سەرپىندى سەرىكتەستىك

ەكى ەل اراسىنداعى دوستىق قارىم-قاتىناس تاۋەلسىزدىك جىل­دا­رى ىشىندە جاقسى جالعاسىپ كەلە جاتقانى بەلگىلى. ايتالىق, الەمدى شارلاعان داعدارىسقا قا­را­ماي, ساۋدا سالاسىنداعى  ەكى­جاق­تى بايلانىس وتكەن جىلى 12,2 ميلليارد دوللاردى قۇراپ­تى. مۇنداي ىلگەرىلەۋشىلىك مۇ­ناي-گاز, ەلەكتر ەنەرگەتيكاسى, اتوم ەنەرگياسى بويىنشا دا وڭ قادامدارعا يە بولىپتى. ال ايماقتار اراسىنداعى قارىم-قا­تىناسقا كەلەر بولساق, رەسەيدىڭ 70 ءوڭىرى ءبىزدىڭ وتانىمىزدىڭ شە­كارالىق وبلىستارىمەن سەرىك­تەستىكتە جۇمىس جاسايدى. ولار­دىڭ ىشىندە چەليابى, ورىنبور, ومبى, سۆەردلوۆ, ءنوۆوسىبىر وبلىستارى بار. وتكەن جىلدىڭ قىركۇيەك ايىندا ورىنبور قالاسىندا ەكى مەملەكەت اراسىنداعى ۇلكەن فو­رۋم ءوتىپ, وندا اتقارىلعان جۇ­مىستار مەن الدا تۇرعان مىندەت­تەر جان-جاقتى تالقىلانعانى ءمالىم. سول سەكىلدى عىلىمي-تەحنيكالىق بايلانىستار دا كەڭ ءورىس العان. اسىرەسە, قازاقستان-رەسەي مەملەكەتتەرى يننوۆاتسيا­لىق باستامالار اياسىندا “رو­س­نا­نو” كومپانياسىمەن بىرلىكتە نا­نوتەحنولوگيانى دامىتۋ جايى دا جولعا قويماق. عارىشتى يگەرۋ, اسكەري تەحنيكا سالالارى بويىن­شا دا يگىلىكتى ىستەر ءوز شە­شىمىن تاۋىپ, مادەني-گۋماني­تار­لىق بايلانىستار  تەرەڭدەتىلە بەرە­تىنى, ول ۇستىمىزدەگى جىلى ناقتى ءىس-شارالارعا ۇلاساتىنى كۇمان تۋعىزبايدى. بۇعان قوسا, بيىلعى جىلدىڭ باسىندا ەل­باسىمىز نۇرسۇلتان نازارباەۆ­تىڭ ءبىزدىڭ وتانىمىزعا ساپارمەن كەلگەن ماسكەۋ جانە بۇكىل رەسەي پا­تريارحى كيريللمەن كەزدەسۋى ەكى ەل اراسىنداعى قارىم-قاتى­ناستىڭ جىلى شىرايلى دامىپ وتىرعانىنىڭ ادەمى كورىنىسى بولعانى تاعى راس. بىرنەشە عاسىرلار بويى جال­عاسقان بايلانىس ەلدىگىمىزدى جا­ريا­لاپ, ەڭسەمىزدى تىكتەگەلى بەرى سەر­پىندى سەرپىلىسكە ۇلاسىپ, الەم­دىك ماسەلەلەردە ورتاق ارنادا توعىسىپ كەلەدى. ءباسپاسوز وكىلدەرىمەن ديدار­لاس­قان رەسەي سىرتقى ىستەر مي­نيسترى سەرگەي لاۆروۆ قازاقستان باسشىسىمەن جۇزدەسۋ جىلى شىرايلى جاعدايدا وتكەنىن العا تارتىپ, ارىپتەسى, قازاقستان رەس­پۋب­ليكاسىنىڭ مەملەكەتتىك حات­شىسى – سىرتقى ىستەر ءمينيسترى قانات ساۋداباەۆ ەكەۋى پرەزي­دەنت­تى الەمدەگى جانە ەكى مەم­لە­كەت­تىڭ اراسىنداعى  سەرپىندى ءارىپ­تەستىك تۋرالى كەلىسسوزدەر حاقىن­دا حاباردار ەتكەنىن جەتكىزدى. ديدارلاسۋ كەزىندە مەملەكەتتەر اراسىنداعى بەرىك بايلانىستار, ەكى ەلگە ورتاق قۇرىلىمدار تۋ­را­لى ءسوز بولعانىن, بيىل قازاق­ستاننىڭ ەقىۇ-عا توراعالىق, ال رەسەيدىڭ تمد-عا توراعالىق قىزمەتتەرى ۇلكەن ءىس-قيمىلمەن باستالعانىن نازارعا سالدى. سول سەكىلدى ۇجىمدىق قاۋىپسىزدىك تۋرالى شارت ۇيىمىنا, ەۋراز­ەق-قا, اوسشك-گە, وزگە ۇيىم­دار­عا مۇشە بولۋمەن بىرگە,  قا­زاقستان, رەسەي جانە بەلارۋس اراسىنداعى كەدەندىك وداقتىڭ قۇرىلۋى بۇل ەكونوميكالىق جاعىنان ءتيىمدى بولاتىنىن, ونىڭ العاشقى قادامدارى ءوز ناتيجەسىن بەرە باستاعانىن اتاپ ءوتتى. “ەكى مەملەكەت تە  بۇۇ-دان باس­تاپ بىرقاتار حالىقارالىق ۇيىمدارعا مۇشە, سول سەبەپتەن دە بارلىق ستراتەگيالىق جۇمىس بىرلىكتە كەڭەسە وتىرىپ شەشىلىپ كەلەدى. ەقىۇ-عا قازاقستاننىڭ توراعا­لى­عى ۇلكەن جەتىستىك بولۋمەن بىرگە, دۇنيەجۇزىلىك قاۋىمداستىق الدىنا اۋقىمدى ماسەلەلەر جۇك­تەيدى. قازاقستان­نىڭ ءتۇرلى با­عىت­تارداعى باستاما­لارىن, اسىرەسە, ازياداعى بەيبىتشىلىك تۋرالى ءتۇيىندى جۇمىستارىن قولدايمىز”, – دەگەن رەسەيلىك مينيستر ءبىزدىڭ ورتاق ىستەگى وي-بايلام, باعىت-باعدارىمىزدى قازاقستان پرەزي­دەنتى نۇر­سۇل­تان نازار­باەۆتىڭ قىزۋ قۋات­تاپ كەلە جاتقانىن ايتتى. ءارىپ­تەس ەكى مەملەكەت تە توراعالىق قىزمەتتى ابىرويمەن اتقارۋعا كەلىستىك, دەپ ءسوز اياعىن ءتۇيدى. سونىمەن قاتار, س.لاۆروۆ قازاقستان رەسپۋبليكاسىنىڭ مەملەكەتتىك حاتشىسى – سىرت­قى ىستەر مي­نيسترى قانات ساۋ­دا­باەۆتى ءوز مەم­لەكەتىنە ساپارمەن كەلىپ قاي­تۋعا شاقىردى. سۇلەيمەن مامەت.