ىنتىماق پەن بىرلىك, بەيبىتشىلىك پەن تۇراقتىلىقتىڭ ارقاسىندا ءبىزدىڭ ەلىمىز الەمدىك كەڭىستىكتە ءوز ورنىن ايقىندادى. ەكونوميكاسى قارقىندى دامىعان ەلدە ازاماتتاردىڭ ءومىر ءسۇرۋ ساپاسى دا جاقسارىپ, نەگىزگى سالالاردى وركەندەتۋگە باعىتتالعان ءتۇرلى باعدارلامالار ءساتتى جۇزەگە اسىرىلۋدا. مەملەكەت بارلىق باعىتقا ۇزدىكسىز ءوز تاراپىنان بارىنشا قولداۋ كورسەتىپ كەلەدى.
قاراپايىم قازاقستاندىقتاردىڭ ءال-اۋقاتىن ارتتىرۋ ودان ءارى جالعاسىن تابا بەرمەك. جولداۋ ماتىنىندە ناقتى مىندەتتەر اتاپ كورسەتىلىپ, ءتيىستى ورگاندارعا ناقتى تاپسىرمالار بەرىلدى. ءوز كەزەگىندە بۇل بارلىق سالا جۇمىسىنا تىڭ سەرپىن اكەلەرى انىق.
جولداۋ ۇستازدار قاۋىمى ءۇشىن تىڭ جاڭالىقتارعا تولى بولدى. قازىرگى تاڭدا ۇستازداردىڭ مارتەبەسىن كوتەرۋ – ماڭىزدى ماسەلەلەردىڭ ءبىرى. مۇعالىم ءبىلىم بەرۋ ۇدەرىسىنە قاتىسى جوق جۇمىستارعا تارتىلماۋىن قاداعالاپ تاپسىردى. ءارى مۇنى اۋىزشا ەمەس, ناقتى قۇجات تۇرىندە «پەداگوگ مارتەبەسى تۋرالى» زاڭ قابىلداۋ جونىندەگى باستاما كوتەردى. بۇل باستاما – قازاقستاندىق ۇستازدار قاۋىمىنىڭ قوعامداعى بەدەلىن ارتتىرىپ, ورنىن ايقىنداۋعا زور قادام بولماق.
ەلباسى نارىقتا تەك جوعارى ءبىلىم بەرە الاتىن جوعارى وقۋ ورىندارىنىڭ ساپاسى مەن باسەكەگە قابىلەتتىلىگى جايىندا ءسوز قوزعاپ, بىلىكتى, ءبىلىمدى كادرلار دايارلاۋدا جانە تەحنولوگيالىق دامىعان ەلدەردەگى عىلىمي جۇمىستار جۇيەسىندە جوعارى وقۋ ورىندارىنىڭ ۇلكەن ماڭىزدى ءرول اتقاراتىنىن اتاپ ءوتتى.
اۋىلشارۋاشىلىق ونىمدەرىن ارتتىرۋ ماسەلەلەرى دە جولداۋدىڭ باستى تاقىرىپتارىنىڭ ءبىرى بولدى. «اۋىل – ەل بەسىگى» اتتى باعدارلاما ىسكە اسىرىلا باستايتىنىن حابارلادى.
ەل اسىعا كۇتكەن وڭ جاڭالىقتارعا تولى باعدارلامادا: «جاستار مەن وتباسى ينستيتۋتىن كەشەندى قولداۋ – مەملەكەتتىك ساياساتتىڭ باسىمدىعىنا اينالۋى ءتيىس. جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك. كەلەسى جىلدى جاستار جىلى دەپ جاريالاۋدى ۇسىنامىن», دەدى پرەزيدەنت. كەلەسى جىلدى «جاستار جىلى» دەپ جاريالاۋدى ۇسىنعان ەلباسىنىڭ يدەياسى – ەل جاستارىنا كۇش-جىگەر بەرىپ, قيالدارىنا قانات بىتىرەدى.
ەل تۇرعىندارىنىڭ ۇشتەن ءبىرى جاستار بولعاندىقتان, كەلەسى جىلدى «جاستار جىلى» دەپ جاريالاۋدىڭ دا ماڭىزى وتە زور بولماق. انا رەتىندە بالالارىمنىڭ بولاشاعى ءۇشىن ماڭىزدى جاڭالىقتاردان حاباردار بولعانىما قۋانىشتىمىن. جاس وتباسىلارعا كورسەتىلەتىن قولداۋ, باسپانامەن قامتاماسىز ەتۋ, ستۋدەنتتەردىڭ ساپالى ءبىلىم الۋىن قامتاماسىز ەتۋ مەن ولاردىڭ جۇمىسقا ورنالاسۋى جايلى تاپسىرمالارى كوپتىڭ كوكەيىندە جۇرگەن ساۋال. كوپتەگەن وتباسىلارعا, اسىرەسە جاستارعا قازاقستاننىڭ ءار ازاماتىنىڭ باسپانامەن قامتاماسىز ەتىلۋىن كوزدەيتىن باسپانامەن قامتۋدىڭ «7-20-25» باعدارلاماسىنىڭ قولجەتىمدىلىگى ارتا ءتۇستى. بيۋدجەتتىك سالالاردا ىستەيتىن قىزمەتكەرلەرگە سەرتيفيكات تاراتىلۋى, تۇرعىنداردىڭ باعدارلاماعا دەگەن قىزىعۋشىلىعىن ارتتىرا تۇسەتىنى انىق. ءوزىم بيۋدجەتتىك سالادا ىستەگەندىكتەن, بيۋدجەتتىك مەكەمەلەردە قىزمەت اتقاراتىن قىزمەتكەرلەر جالاقىسىن 35 پايىزعا ءوسىرۋى قۋانتتى.
تاۋەلسىزدىگىمىزدى ساقتاپ, مەملەكەتىمىزدى وركەندەتۋ جولىندا ەلباسى ايقىنداعان ستراتەگيالىق باعىتتى ءاردايىم ۇستانساق, ۇلى ىستەردى, جەتىستىكتەردى كەيىنگى ۇرپاققا ۇلگى ەتىپ جالعاستىرارىمىز اقيقات. بۇل – قازاقستان رەسپۋبليكاسىنىڭ ءاربىر ازاماتىنىڭ مىندەتى. سونداي-اق جولداۋدا زەينەتكەرلەردىڭ زەينەتاقىسىن كوتەرۋ, دارىگەرلەردىڭ جالاقىسىن كوتەرۋ, پوليتسيا مەن سوت قىزمەتىن جەتىلدىرۋ, ادام قاۋىپسىزدىگىن قامتاماسىز ەتۋ مەن مەملەكەتتىك قىزمەت كورسەتۋ ءىسىن دامىتۋ دا نازاردان تىس قالمادى. ەڭ تومەنگى جالاقى 1,5 ەسە وسەتىنى دە ەلگە قۋانىشتى حابار بولدى.
ء«اربىر قازاقستاندىق جۇرگىزىلىپ جاتقان رەفورمالاردىڭ ءمانىن, ءمانىسىن, ولاردىڭ وتانىمىزدى وركەندەتۋ جولىنداعى ماڭىزىن جەتە ءتۇسىنۋى ءتيىس. ونى ءبىز جەتكىزە ءبىلۋىمىز كەرەك. رەفورمالاردى جۇزەگە اسىرۋ ءۇشىن قوعامنىڭ ورتاق ماقساتقا جۇمىلۋى اسا ماڭىزدى. «رۋحاني جاڭعىرۋ» باعدارلاماسى جاپپاي قولداۋعا يە بولادى. قوعامداعى جاڭعىرۋ ۇردىستەرىنە تىڭ سەرپىن بەردى», دەدى ەلباسى. ەل يگىلىگى جولىندا اتقارىلىپ جاتقان يگىلىكتى ىستەرگە جالپى قوعام بولىپ قولداۋ ءبىلدىرىپ, ايقىن باستامالاردىڭ ىسكە اسۋىنا ءوز ۇلەسىمىزدى قوسايىق. سوندا عانا ءبىزدىڭ قازاقستان اتا-بابامىز ارمانداعان قۋاتتى ەلگە اينالارى ءسوزسىز.
جانار ايتكۋجينا,
اقمولا وبلىستىق قازاقستان حالقى
اسسامبلەياسى جانىنداعى انالار كەڭەسىنىڭ مۇشەسى,
كوكشەتاۋ قالالىق قازاق كىتاپحاناسىنىڭ مەڭگەرۋشىسى
