بۇعان دەيىنگى 5 ملرد تەكشە مەتر گاز ەكسپورتى جونىندەگى ءبىرىنشى كەلىسىم تولىق كولەمدە ورىندالدى. تاراپتار بىرلەسىپ اتقارىلعان جۇمىستى جانە قازاقستاننىڭ گاز تاسىمالداۋ جۇيەسىنىڭ تەحنولوگيالىق مۇمكىندىكتەرىن جوعارى باعالادى.
«وتاندىق گازدىڭ ەكسپورتىن ەكى ەسەگە ارتتىرۋ ەلدىڭ ترانزيتتىك الەۋەتىن دامىتۋ جونىندەگى قازاقستان پرەزيدەنتى نۇرسۇلتان نازارباەۆتىڭ ستراتەگياسىنىڭ جانە ەكى مەملەكەت باسشىلارى قول قويعان كەلىسىمنىڭ ارقاسىندا مۇمكىن بولىپ وتىر»,- دەپ اتاپ ءوتتى «قازترانسگاز» اق ديرەكتورلار كەڭەسىنىڭ توراعاسى قايرات شارىپباەۆ.
كەلىسىمشارتقا قول قويۋعا ۇكىمەت پەن «قازمۇنايگاز» ۇلتتىق كومپانياسىنىڭ تىڭعىلىقتى ديپلوماتيالىق جۇمىسى, سونداي-اق قازاقستاندىق گاز تاسىمالداۋ جۇيەسىنىڭ جۇيەلى جاڭعىرتىلۋى سەبەپ بولدى.
جاقىن ۋاقىتتا «بەينەۋ-بوزوي-شىمكەنت» ماگيسترالدىق گاز قۇبىرىنىڭ وتكىزۋ مۇمكىندىگىن جىلىنا 10 ملرد. تەكشە مەتردەن 15 ملرد. تەكشە مەترگە دەيىن ۇلعايتۋعا مۇمكىندىك بەرەتىن جوعارى تەحنولوگيالىق ءۇش كومپرەسسورلىق ستانتسيا پايدالانۋعا بەرىلمەك. وسىلايشا ءبىز قازاقستاندىق گاز قۇبىرلارىنىڭ وتكىزۋ مۇمكىندىكتەرىن ارتتىرىپ جاتىرمىز. ءبىز ەلىمىزدىڭ ىشكى قاجەتتىلىكتەرىن تولىق قامتاماسىز ەتەمىز جانە گاز ەكسپورتىن ارتتىرۋعا قاۋقارلىمىز. الدىن-الا مالىمەتتەرگە سايكەس, قىتايعا ەكسپورتتالاتىن گاز كولەمىن 10 ملرد. م3 كوبەيتۋ ارقىلى ەلىمىزگە 2 ملرد. دوللاردان استام ۆاليۋتالىق ءتۇسىم تۇسەدى», - دەدى قايرات شارىپباەۆ.
ۇلتتىق وپەراتور تۇسكەن تابىس ەسەبىنەن وتاندىق گاز تۇتىنۋشىلارىن قولداۋعا, 560 ملرد. تەڭگە كولەمىندەگى كرەديتتىك پورتفەلگە قىزمەت كورسەتۋگە, ءوزىنىڭ رەسۋرستىق بازاسىن ارتتىرۋعا جانە گاز تاسىمالداۋ جۇيەسىن ودان ءارى جاڭالاۋدى جالعاستىرۋعا مۇمكىندىك الادى.
«قازترانسگاز» اق 2018 جىلدىڭ 9 ايىنداعى قىزمەتىنىڭ قورىتىندىسى بويىنشا, 693 ملرد. تەڭگە پايدا ءتۇسىردى. كومپانيالار توبىنىڭ شوعىرلاندىرىلعان تازا پايداسى 118,6 ملرد. تەڭگەنى قۇرادى, بۇل وتكەن جىلعى وسى كەزەڭ كورسەتكىشىنەن 72,4 ملرد. تەڭگەگە نەمەسە 156% جوعارى.
بۇگىندە «قازترانسگاز» اق ەلىمىزدىڭ ەڭ ءىرى سالىق تولەۋشىلەرىنىڭ قاتارىندا. اكتسيونەرلىك قوعام 2018 جىلى سالىق جانە وزگە دە تولەمدەر رەتىندە مەملەكەت بيۋدجەتىنە 52,4 ملرد. تەڭگە اۋداردى. كومپانيا 20 مىڭ ادامدى جۇمىسپەن قامتاماسىز ەتىپ وتىر. قازاقستاندىق گازدى تاسىمالداۋ تۋرالى قىتاي تاراپىمەن جاسالعان كەلىسىمشارت وتاندىق گاز سالاسىنىڭ دامۋىنىڭ جاڭا ءداۋىرىنىڭ باستاماسى بولماق.
