بۇل باسەكە 47 مينۋت بويى اسا شيەلەنىستى تارتىسپەن ءوتتى. سول ۋاقىت ارالىعىندا ايدىن يەلەرى ءۇش مارتە العا شىققانىمەن, قوناقتار كوپ ۇزاماي ەسەپتى تەڭەستىرىپ وتىردى. اتاپ ايتساق, ومبىلىق داۆيد دەارنە, سەرگەي شيروكوۆ جانە يليا ميحەەۆ سوققان شايبالارعا استانالىق داررەن ديتس, مەتتيۋ فرەتتين جانە داستين بويد لايىقتى جاۋاپ قايىردى. بىراق ويىننىڭ اياقتالۋىنا 10 مينۋتتاي ۋاقىت قالعاندا «قاھارىنا مىنگەن» ومبىلىق حوككەيشىلەر قاتارىنان ەكى رەت نىسانانى ءدال كوزدەدى. بۇل گولدىڭ اۆتورلارى – الەكسەي ەمەلين مەن يليا ميحەەۆ. وسىلايشا, جەرلەستەرىمىز 3:5 ەسەبىمەن «اۆانگاردقا» ەسە جىبەردى.
قازىرگى كەزدە قحل-دىڭ تۇراقتى بىرىنشىلىگىنىڭ جارىس كەستەسىندە «بارىس» 11 ورىندى يەلەنۋدە. ولار 15 كەزدەسۋدەن كەيىن 20 ۇپايدى يەلەنۋدە. گولدار ايىرماشىلىعى – 57-48. ءوزىنىڭ كەلەسى باسەكەسىن ەلوردالىق كلۋب 16 قازاندا ەكاتەرينبۋرگ قالاسىندا جەرگىلىكتى «اۆتوموبيليستكە» قارسى وتكىزەدى.
عالىم سۇلەيمەن,
«ەگەمەن قازاقستان»
