كورمەگە قالامگەردىڭ جەكە كوللەكتسيالارىنداعى وردەندەرى مەن توسبەلگىلەرى, ەلىمىزگە بەلگىلى اۆتورلاردىڭ قولتاڭباسىمەن سىيعا بەرىلگەن كىتاپتارى مەن جازۋشىنىڭ سوڭعى جىلدارى جارىق كورگەن ەڭبەكتەرى قويىلادى.
بۇدان 4 جىل بۇرىن ءومىر بويى جيناعان 10 مىڭنان استام كىتابىن ۇلتتىق اكادەميالىق كىتاپحاناعا سىيعا تارتقان عالىم بۇل جولى دا سودان بەرگى جينالعان كىتاپتارى مەن وردەن, مەدالدارىن اكەلىپتى. كورمەگە كورنەكتى تۇلعانىڭ ءار جىلدارى العان 79 مەدال, 4 وردەنى قويىلعان.
كەزدەسۋ بارىسىندا مىرزاتاي جولداسبەكوۆ ءسوز سويلەپ: «ماعان بارىنەن دە كىتاپتارىم قىمبات. كوبى ءجۇرىپ وتكەن جولدارىمنىڭ كۋاسىندەي ىستىق. وندا نەبىر قازاقتىڭ مارعاسقالارىنىڭ قولتاڭباسى بار. مىسالى, ءابدىلدا تاجىباەۆ ءبىر كىتابىنا ء«وزىمنىڭ وزەگىمنەن جارالعانداي مىرزاتايىما!» دەپ جازىپتى, كەيدە كىتاپتارىمدى اقتارىپ, سول كىسىلەردى ەسكە الامىن. ال, وردەن, مەدالداردى دا تۇگەلگە جۋىق تاۋەلسىزدىك كەزەڭىندە الىپپىن. سونىڭ كوبىن ەلباسىنىڭ قولىنان العان ەكەنمىن. بۇلارعا قاراپ وتىرىپ تاۋەلسىزدىككە شامامشا قىزمەت ەتكەنىمە تاۋبە دەيمىن», – دەدى.
كەزدەسۋدە مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان اۋليەۆ, بەلگىلى عالىم عاريفوللا ەسىم, جازۋشى بولات بوداۋباي جانە قاتيموللا بەردىعاليەۆ, ايگۇل ۇلكەنباەۆا, ۇلجان بايبوسىنوۆا سەكىلدى ونەر قايراتكەرلەرى قاتىسىپ, ايتۋلى تۇلعاعا ىستىق لەبىزدەرىن ايتىپ, جينالعان كوپكە ونەردەن شاشۋ شاشتى.
«بۇل – ۇرپاققا ونەگە. بۇگىن وسىندا كەلگەن كورەرمەندەر ء«بىر ادامدا وسىنشا مەدال بار ما؟» دەپ تاڭعالىستى. ونىڭ ءبارى ارينە, تاۋەلسىز ەلدە تۇلعانىڭ ەڭبەگىنىڭ باعالانۋىن كورسەتەدى. شىنىمەن ۇرپاققا ۇلگى بولارلىق ءىس تىندىرعان ادامنىڭ ەل القاۋىنا بولەنەتىندىگىن كورسەتەدى. ءبىر ءوزى ءبىر اۋداننىڭ كىتاپحاناسىنداعى كىتاپتان كوپ كىتاپ سىيلاعانىنىڭ ءوزى ونەگە ەمەس پە؟», – دەيدى كىتاپ مۇراجايىنىڭ جەتەكشىسى ءمولدىر بايمۇقامبەتوۆا.
ۇلاربەك نۇرعالىم ۇلى,
«ەگەمەن قازاقستان»
