- جاراقات الىپ قالعان ەركەبۇلان تۇڭعىشباەۆتىڭ ورنىنا سوكولەنكونى شاقىردىق. ايتپەسە, قالعان ويىنشىلار قۇرامىندا ەش وزگەرىس جوق. تەك عافۇرجان سۇيىمباەۆتىڭ كىشىگىرىم جاراقاتى بار ەكەن. ويىنعا دەيىن جازىلىپ كەتەتىن شىعار دەپ كۇتىپ وتىرمىز.
- لاتۆيا جانە اندورراعا قارسى ويىنداردان نە كۇتەمىز؟
- نەگىزى, كوماندا ويىنى جامان ەمەس. الايدا, شابۋىلدى اياقتاۋ كەزىندە ماسەلە كوپ. ءبىز جاساعان مۇمكىندىكتەرىمىزدى گولعا اينالدىرا الماي جاتىرمىز. سوندىقتان دا, كىشكەنە كوماندا ويىنىن وزگەرتىپ كورەتىن شىعارمىن.
- گرۋزيادان جەڭىلگەن سوڭ ءسىز ويىنشىلارعا ديناميكا جەتىسپەيدى دەپ ەدىڭىز؟ وسى جاعداي 2 اي ىشىندە وزگەردى دەپ ويلايسىز با؟
- وسى ءبىر قىسقا مەرزىم ىشىندە بىرنەشە ويىنشىمىز فيزيكالىق جاعدايىن جاقسارتتى دەپ ويلايمىن. سەبەبى, ولار ىشكى بىرىنشىلىكتە الاڭعا كوبىرەك شىعا باستادى. ەگەر قۇراماعا الىناتىن ويىنشىنىڭ كوماندا جاقسى ويناسا, وندا ول فۋتبولشىنىڭ قۇراماعا دا تيگىزەر پايداسى كوپ دەگەن ءسوز.
- توپتان شىعۋ ماسەلەسى قالاي بولىپ تۇر؟
- ارينە, العاشقى ەكى ويىننان كەيىن جاعدايىمىز قيىنداۋ. دەگەنمەن, مۇمكىندىك بار, دەمەك سوڭىنا دەيىن كۇرەسۋىمىز كەرەك. قارسىلاستىڭ قاتەلىگىن كۇتەتىن بولامىز.
