مەرلەر مەن ساياسي كوشباسشىلار قاتىساتىن القالى جيىندا قالالاردىڭ العاشقى مەديتسينالىق-سانيتارلىق كومەك كورسەتۋدەگى ءرولى مەن دەنساۋلىق ساقتاۋ شاراسىنا كوپشىلىكتى كەڭىنەن تارتۋ ماسەلەلەرى تالقىلانادى.
اتالعان شارا الماتىدا قول قويىلعان العاشقى مەديتسينالىق- سانيتارلىق كومەك كورسەتۋ جونىندەگى حالىقارالىق دەكلاراتسيانىڭ 40 جىلدىعىنا ورايلاستىرىلعان. ءوز كەزەگىندە بۇل قۇجات كوپشىلىكتىڭ دەنساۋلىعىن قامتاماسىز ەتۋدىڭ ستراتەگيالىق نەگىزىنە اينالعان.
ال اتالمىش دەكلاراتسيا دۇنيەجۇزىلىك دەنساۋلىق ساقتاۋ ۇيىمىنىڭ «سالاماتتى قالالار» اتتى ەۋروپالىق جەلىسىن قۇرۋدا ماڭىزدى ءرول اتقارعانىن اتاپ ءوتۋ كەرەك.
سول كەزدەن باستاپ جەرگىلىكتى قوعامداستىقتار بازاسى نەگىزىندە جۇمىس ىستەيتىن العاشقى مەديتسينالىق-سانيتارلىق كومەك كورسەتۋ جۇيەسى كوپشىلىكتىڭ دەنساۋلىعىن جاقسارتۋدىڭ قۇرامداس بولىگىنە اينالدى.
الماتى دەكلاراتسياسىنىڭ شەجىرەسىن ۇلعايتا تۇسەتىن سامميت قالالار مەن وڭىرلەردىڭ العاشقى مەديتسينالىق-سانيتارلىق كومەك كورسەتۋدەگى ءرولى, ساۋ قالالاردىڭ قوعامداعى دەنسۋالىق ساقتاۋ ىسىنە تيگىزەتىن وڭ ىقپالى, كوشى-قون ىسىنە قاتىستى الەۋمەتتىك ادىلەتتىلىكتى قالىپتاستىرۋ سىندى ماڭىزدى ماسەلەلەردى تالقىلايدى.
سامميت قورىتىندىسى بويىنشا مەرلەردىڭ الماتى ۇندەۋى قابىلدانادى.
ايناش ەسالي,
«ەگەمەن قازاقستان».
الماتى
