اتالعان مىندەتتى ىسكە اسىرۋ ءۇشىن يندۋستريالاندىرۋ ساياساتىن جۇرگىزۋ جانە قولداۋ قۇرالدارىن شوعىرلاندىرۋ ماقساتىندا قر ۇكىمەتى يندۋستريانى دامىتۋ, جەرگىلىكتى قامتۋ جانە تەحنولوگيالىق دامۋ سالاسىنداعى ءۇش ۇلتتىق دامۋ ينستيتۋتىنىڭ فۋنكتسيالارى «قازاقستاندىق يندۋستريانى دامىتۋ ينستيتۋتى» اق بازاسىنداعى بىرىڭعاي ونەركاسىپتىك دامۋ ورتالىعىنا بىرىكتىرىلەتىن بولادى.
قايتا قۇرۋ كەزىندە ينستيتۋتتاردىڭ بيۋدجەتتىك شىعىندارى مەن شتاتتىق قۇرىلىمى وڭتايلاندىرىلادى.
بولاشاق ورتالىققا جۇكتەلەتىن مىندەتتەردى ورىنداۋ ءۇشىن بيىل 8 قازاندا «قيدي» ديرەكتورلار كەڭەسىنىڭ شەشىمىمەن دانا ءجۇنىسوۆا جاڭا باسقارما توراعاسى بولىپ سايلاندى.
دانا ءجۇنىسوۆا تسەلينوگراد قالاسىندا دۇنيەگە كەلگەن. 2006 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان. ماماندىعى بويىنشا — ەكونوميست.
ەڭبەك جولىن «قتج» ۇك, «استانا–فينانس» اق, «2011 جىلعى 7-قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكتسياسى» اق, سونداي-اق جەكە سەكتوردا جۇمىس ىستەپ باستاعان.
2012–2015 جىلدارى — قر «اتامەكەن» ۇكپ تاريف قالىپتاستىرۋ دەپارتامەنتى ديرەكتورىنىڭ ورىنباسارى, ەكونوميكالىق ينتەگراتسيا دەپارتامەنتى ديرەكتورىنىڭ ورىنباسارى, ونەركاسىپتىك جانە ينۆەستيتسيالىق ساياسات دەپارتامەنتىنىڭ ديرەكتورى, ەكونوميكالىق ينتەگراتسيا دەپارتامەنتىنىڭ باسقارۋشى ديرەكتورى قىزمەتتەرىن اتقاردى.
2016–2018 جىلدار ارالىعىندا قر «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسىنىڭ ورىنباسارى بولىپ ەڭبەك ەتتى.
2018 جىلعى ساۋىردە قر ۇلتتىق ەكونوميكا ۆيتسە-ءمينيسترى بولىپ تاعايىندالدى.
2018 جىلعى قىركۇيەكتەن باستاپ قر پرەمەر-ءمينيسترىنىڭ كەڭەسشىسى قىزمەتىن اتقاردى.
ەۋرازيالىق ەكونوميكالىق وداققا مۇشە مەملەكەتتەر باسشىلارىنىڭ «ەۋرازيالىق ەكونوميكالىق وداقتى قۇرۋعا قوسقان ۇلەسى ءۇشىن» ءىى دارەجەلى مەدالىمەن, مەملەكەتتىك جانە قوعامدىق قىزمەتتەگى ەڭبەگى, ەلىمىزدىڭ الەۋمەتتىك-ەكونوميكالىق جانە مادەني دامۋىنا, دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن قازاقستان رەسپۋبليكاسى پرەزيدەنتىنىڭ قۇرمەت گراموتاسىمەن ماراپاتتالعان.
