«دوڭگەلەك ۇستەل» جۇمىسىنا قازاقستان رەسپۋبليكاسىنىڭ مەملەكەتتىك حاتشىسى, قازاقستان رەسپۋبليكاسى پرەزيدەنتiنiڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونiندەگi ۇلتتىق كوميسسيا ءتورايىمى گۇلشارا ابدىقالىقوۆا, قر قوعامدىق دامۋ ءمينيسترى دارحان كالەتاەۆ, قازاقستان رەسپۋبليكاسى پارلامەنتىنىڭ دەپۋتاتتارى, وتباسى جانە وتباسىلىق تاربيە ماسەلەلەرىن زەرتتەيتىن عىلىمي ۇيىمدار باسشىلارى مەن قوعام قايراتكەرلەرى قاتىستى.
قر قوعامدىق دامۋ ءمينيسترى دارحان كالەتاەۆ ءوز سوزىندە وتباسى ساياساتى سالاسى بويىنشا ارنايى جول كارتاسىن ازىرلەۋ جۇمىستارى جۇرگىزىلەتىنىن اتاپ ءوتتى.
ءمينيستردىڭ ايتۋىنشا وتباسىلىق قۇندىلىقتار مەن سالت-داستۇرلەردى ىلگەرىلەتۋ, ۇرپاقتار ساباقتاستىعىن جالعاستىرۋ, وتباسىلارعا كاسىبي كومەك كورسەتەتىن قىزمەتتەردى (الەۋمەتتىك قىزمەتتەر, داعدارىس ورتالىقتارى, سەنىم تەلەفوندارى) ينستيتۋتسيونالدى باعىتتا نىعايتۋ بويىنشا جانە تاعى دا باسقا شارالار قابىلداناتىن بولادى.
«دوڭگەلەك ۇستەل» بارىسىندا وتباسىلىق جاعدايدىڭ نەگىزگى الەۋمەتتىك-دەموگرافيالىق ينديكاتورلارى, ونىڭ ىشىندە الەمدىك تەندەنتسيا, وتباسىن دامىتۋداعى قازاقستاندىق تاجىريبە قاراستىرىلدى.
ءىس-شارانىڭ قورىتىندىسى بويىنشا قاتىسۋشىلار وزىق حالىقارالىق جانە ۇلتتىق تاجىريبەنى قولدانۋ ارقىلى قازاقستانداعى وتباسى ينستيتۋتىن نىعايتۋ جانە دامىتۋ بويىنشا ۇسىنىمدار ازىرلەدى.
