«دوستىق ءۇيى» عيماراتىندا ماڭعىستاۋ وبلىسى قازاقتان حالقى اسسامبلەياسى باسشىلىعى, مو ءاا «قوعامدىق كەلىسىم» كمم قىزمەتكەرلەرى, ەتنومادەني بىرلەستىكتەر مۇشەلەرى, رجق «جاڭعىرۋ جولى» وڭىرلىك شتابى جاستارى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى ەلباسى جولداۋىن تىڭدادى. سوڭىنا دەيىن زەيىن قويىپ تىڭداعان سوڭ, ەتومادەني بىرلەستىك توراعالارى مەن مۇشەلەرى ءوز وي-پىكىرلەرىمەن ءبولىستى.
- ەلباسىمىزدىڭ «جاستار مەن وتباسى ينستيتۋتىن كەشەندى قولداۋ مەملەكەتتىك ساياساتىنىڭ باسىمدىلىعىنا اينالۋى ءتيىس. جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك. كەلەسى جىلدى جاستار جىلى دەپ جاريالاۋدى ۇسىنامىن» دەگەن سوزدەرىنە قاتتى قۋاندىم. كەشە عانا رجق «جاڭعىرۋ جولى» وڭىرلىك شتابىنىڭ ءتورايىمى بولىپ تاعايىندالدىم, الداعى ۋاقىتتا كەرەمەت جوبالاردى ىسكە اسىرامىز دەگەن ويدامىز, دەدى «چوسون» كارىس ەتنومادەني بىرلەستىگىنىڭ بەلسەندى مۇشەسى وگاي انتونينا ۆياچەسلاۆوۆنا.
ەلباسى جولداۋى بويىنشا «داگەستان» داعىستان ەتنومادەني بىرلەستىگىنىڭ توراعاسى شاحشاەۆ يۋسۋپ ابدۋراحمانوۆيچ دا ءوز ويىمەن ءبولىستى:
-بۇل - ەلباسىنىڭ 1997 جىلدان بەرى 23-ءشى جولداۋى. كەلەسى جىلى مۇعالىمدەر مەن مەكتەپكە دەيىنگى مەكەمەلەر قىزمەتكەرلەرى ءۇشىن بارلىق يگىلىكتى قاراستىرىپ, جۇكتەمەنى ازايتۋعا, ءجونسىز تەكسەرىستەر مەن مىندەتتەن تىس فۋنكتسيالاردان اراشالاۋعا نەگىزدەلگەن «پەداگوگ مارتەبەسى تۋرالى» قۇجاتىن قابىلداۋىنا تولىقتاي كەلىسەمىن. وسى قۇجات ارقىلى ءبىراز ماسەلەلەر قالىپقا كەلەدى دەگەن ۇمىتتەمىن, دەدى ول.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
