قازىر مۇندا 30-عا جۋىق بالعىن جاتتىعادى. سولاردىڭ ءبىرى – وكسانا كروپاچەۆانىڭ 3 جاستاعى ۇلى. روما, باستاپقىدا “ماما”, “پاپا” دەگەن سوزدەردى ەش قيىندىقسىز ايتسا كەرەك. الايدا, ءبىر جىلدان سوڭ ونىڭ سويلەۋ قابىلەتى تومەندەپ, ءوز-وزىنەن وقشاۋلاناتىندى شىعارعان.
«اقىلى سپورتتىق ۇيىرمەلەرگە بارۋ قىمباتقا تۇسەتىندىكتەن, تولەم جاعدايىمىز كوتەرە بەرمەيتىن. ەندى بالامىز ءوز قۇرالىپتاستارىمەن الاڭسىز ويناپ, ءتۇرلى جاتتىعۋلارعا قاتىسىپ ءجۇر», دەيدى رومانىڭ اكە-شەشەسى.
“موي رەبەنوك” قوعامدىق بىرلەستىگىنە مۇشە اتا-انالار ارنايى جوبا جاساپ, كونكۋرسقا قاتىسىپتى. بايقاۋ جۇلدەلەرىن قارجىلاي كومەك رەتىندە ۇسىنعان.
ۆيلدانا قوجاحمەتوۆانىڭ ايتۋىنشا, 500 مىڭ تەڭگە قارجىعا سپورتتىق قۇرىلعىلار ساتىپ الىنعان. پسيحيكالىق اۋىتقۋشىلىعى بار ءار بالامەن ارنايى كۋرستان وتكەن جاتتىقتىرۋشىلار جۇمىس ىستەيدى. بۋىندارىن قاتايتادى, اياققا ماسساج, باسقا دا گيمناستيكالىق جاتتتىعۋلار جاسايدى.
“موي رەبەنوك” بىرلەستىگىنىڭ مۇشەلەرى “سيتي مولل” ساۋدا ۇيىندە قايىرىمدىلىق فوتوكورمەسىن وتكىزۋدى جوبالاپ وتىر. ودان تۇسكەن قاراجات مۇگەدەك بالالاردىڭ قاجەتىنە جۇمسالاتىن بولادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
