كومپانيانىڭ 15 فيليالى اراسىندا شاعىن فۋتبولدان, ۇستەل تەننيسى, ءارتۇرلى قاشىقتىققا جۇگىرۋ, ۇزىندىققا سەكىرۋ جانە باسقا دا سپورتتىق جارىستار ۇيىمداستىرىلدى. «ترانستەلەكوم» كومپانياسى «رۋحاني جاڭعىرۋ» باعدارلاماسى اياسىندا بالالار ءۇيىنىڭ تالانتتى بالالارىن قولداۋ ماقساتىندا العاش رەت قايىرىمدىلىق شارالارىن جۇزەگە اسىرۋدا.
اتالمىش جارىسقا اقمولا جانە سولتۇستىك قازاقستان وبلىستارىنىڭ ءتورت بالالار ءۇيىنىڭ جانە پەتروپاۆل قالاسىنىڭ وتباسى ۇلگىسىندەگى بالالار اۋىلىنىڭ تاربيەلەنۋشىلەرى قاتىسىپ, شاعىن فۋتبولدان جارىس وتكىزىلدى. ءبىرىنشى ورىندى يەلەنگەن پەتروپاۆل قالاسىنىڭ وتباسى ۇلگىسىندەگى بالالار اۋىلىنىڭ تاربيەلەنۋشىلەرىنە گراموتا مەن كۋبوك تابىس ەتىلدى. ال اقكول بالالار ءۇيىنىڭ «ارىستان» كومانداسى ەكىنشى, ايىرتاۋ بالالار ءۇيى ءۇشىنشى ورىندى ەنشىلەدى. ساندىقتاۋ بالالار ءۇيىنىڭ كومانداسى دا ىنتالاندىرۋ سىيلىعىنا يە بولدى. سونداي-اق «ەڭ ۇزدىك ويىنشى» اتالىمى بويىنشا اناتولي الاش (پەتروپاۆل), باۋىرجان ورمانوۆ (اقكول قالاسى), نيكيتا جاكۋپوۆ (ساندىقتاۋ), رومان يسايكين (ايىرتاۋ) ماراپاتتالدى.
كومپانيا وكىلدەرى بارلىق بالالارعا وقۋ قۇرالدارى سالىنعان مەكتەپ سومكەلەرىن سىيعا تارتتى. جارىستان سوڭ بالالار ءۇيىنىڭ تاربيەلەنۋشىلەرى ابىلاي حان الاڭى مەن اشىق اسپان استىنداعى بوتاي-بۋراباي مۇراجايىن تاماشالاپ, ەسكەرتكىش سۋرەتكە ءتۇستى.
اتالمىش كومپانيانىڭ قايىرىمدىلىق ءىسى باسقالارعا دا ۇلگى بولسا, كانەكەي.
بايقال ءبايادىل,
«ەگەمەن قازاقستان»
اقمولا وبلىسى,
بۋراباي اۋدانى
