شارانى بۇۇ مودەلىنىڭ ۇيلەستىرۋ ورتالىعى قازاقستان رەسپۋبليكاسىنىڭ تۇڭعىش پرەزيدەنتى-ەلباسى كىتاپحاناسى مەن قورى بىرىگە وتىرىپ, «ۇلان-عايىر دالا ەلى» قوعامدىق بىرلەستىگىنىڭ جۇمىسى اياسىندا ۇيىمداستىردى.
ورتالىق ازياداعى بۇۇ-نىڭ ءى حالىقارالىق مودەلى – بۇۇ شەڭبەرىندە جاھاندىق يدەيالاردى تالقىلاۋ رەجىمىندە وتكىزىلەتىن حالىقارالىق سۇحبات الاڭى, وندا جوعارى وقۋ ورنى ستۋدەنتتەرى مەن مەكتەپ وقۋشىلارى بۇۇ ورگاندارىنىڭ جۇمىسىن جاڭعىرتادى. ءاربىر وتىرىستىڭ ماقساتى – بەلگىلەنگەن ماسەلەلەردى تالقىلاۋ, سونىمەن بىرگە ءاربىر كوميتەتتىڭ قۇزىرەتىنە قارار دايىنداۋ. بۇل قارارلار بۇۇ-نىڭ مامانداندىرىلعان اگەنتتىگىنە جىبەرىلەدى.
كونفەرەنتسيا جۇمىسىنىڭ كۇن تارتىبىنە «قازاقستان جانە بۇۇ: 25 جىلدىق ارىپتەستىك جانە تابىستى ىنتىماقتاستىق – جاھاندىق بەيبىتشىلىك, تۇراقتىلىق جانە ورنىقتى دامۋ ءۇشىن قازاقستان رەسپۋبليكاسىنىڭ بەيبىت باستامالارى» تاقىرىبى تاڭدالىپ الىندى.
حالىقارالىق ماسەلەلەردى تالقىلاۋعا ەلىمىزدەن, ازەربايجان, ءۇندىستان, بانگلادەش, قىرعىزستان, رەسەي, پاكىستان, اۋعانستان, سەربيا, وزبەكستان ەلدەرىنەن 200-دەن استام دەلەگات پەن باقىلاۋشى قاتىستى. ولار بالالار ەڭبەگى, كيبەرقاۋىپسىزدىك, بوسقىندار قۇقىعى, يادرولىق قارۋ قولدانۋدى شەكتەۋ, ءدىني توزبەۋشىلىك, گەندەرلىك تەڭدىك جانە ەكولوگيالىق تازا قالالار سانىنىڭ ارتۋى سياقتى ماسەلەلەر توڭىرەگىندە پىكىر الماستى.
ۆەنەرا تۇگەلباي,
«ەگەمەن قازاقستان»
