ءبىلىم • 23 قىركۇيەك, 2018

ەكىباستۇزدا العاشقى STEM-زەرتحاناسى اشىلدى

676 رەت
كورسەتىلدى
1 مين
وقۋ ءۇشىن

 

ەكىباستۇز قالاسىنداعى كوپ ءپروفيلدى باعىتتاعى №24 مەكتەپ-گيمنازياسىندا جاڭا STEM- زەرتحاناسى اشىلدى.

ەكىباستۇزدا العاشقى STEM-زەرتحاناسى اشىلدى

بۇل كەنشىلەر شاھارىنداعى مۇنداي العاشقى كابينەت. ءبىلىم ورداسىنىڭ ديرەكتورى قۇرالاي راحمەتجانوۆا STEM- زەرتحاناسىندا وقۋ ءتورت باعىتتا جۇرگىزىلەتىنىن ءايتىپ وتتى. ولار: ينجەنەريا, باعدارلامالاۋ, روبوتوتەحنيكا, 3D-مودەلدەۋ باعىتتارى.

- وقۋشىلار زاماناۋي تەحنولوگيالاردى مەڭگەرىپ, روبوت, ماشينا جاساۋ جانە عىلىمي-زەرتتەۋ جوبالارىمەن جۇمىس جاساۋعا مۇمكىندىك الدى. «تسيفرلى قازاقستان» مەملەكەتتىك باعدارلاماسىن جۇزەگە اسىرۋ ماقساتىندا ەسىگىن ايقارا اشقان كابينەتتىڭ اشىلۋىنا «ەۋروازياتتىق ەنەرگەتيكالىق كووپوراتسياسى» اق دەمەۋشىلىك جاسادى, - دەدى قۇرالاي راحمەتجانوۆا.

ايتا كەتەيىك, كوپ ءپروفيلدى №24 مەكتەپ-گيمنازياسىنىڭ ىرگەتاسى 1993 جىلى قالانعان. قازىرگى تاڭدا مەكتەپتە 702 وقۋشى ءبىلىم الادى. دارىندى وقۋشىلار روبوتەحنيكا كونكۋرستارىندا جۇلدەلى ورىندارعا يە بولىپ تا ۇلگەرگەن. ماسەلەن, وتكەن جىلى اتالمىش مەكتەپتىڭ وقۋشىلارى قالالىق فەستيۆالدە جەڭىسكە جەتىپ, قاراعاندى قالاسىندا وتكەن رەسپۋبليكالىق جارىستا باقتارىن سىناعان.

سوڭعى جاڭالىقتار