«رۋحانياتتاعى» جانجال

جازۋشى-دراماتۋرگ, «رۋحانيات» پارتياسىنىڭ نەگىزىن قالاۋشى ال­تىن­شاش جاعانوۆا «رۋحانيات­تىڭ» پار­تيالىق ءتىزىمىن تىركەۋدەن الىپ تاستاۋدى جانە ساياسي بىرلەستىك جەتەكشىسى سەرىكجان مامبەتاليندى جىبەرگەن بۇرمالاۋشىلىقتارى ءۇشىن جاۋاپكەرشىلىككە تارتۋدى تالاپ ەتىپ وتىر. وسىنداي ءمالىم­دە­مەمەن ول قا­زىردىڭ وزىندە رەس­پۋبليكانىڭ باس پرو­كۋراتۋ­را­سى­نا قايىرىلىپ ءۇل­گەردى. – 1995 جىلى ءبىزدىڭ ۇيى­مى­مىز قازاقستاننىڭ «داۋىرلەۋ» پارتياسى اتاۋىمەن تىركەلگەنى بەلگىلى. 2003 جىلى ءبىز قايتا تىركەلۋدەن ءوتىپ, «رۋحانيات» دەپ اتالدىق. پارتيا­نىڭ باسىم­دىق­تارى رەتىندە حا­لىق­تىڭ رۋحاني جاڭعىرۋى, ۇلتارالىق كەلىسىمدى ىلگەرىلەتۋ, ياعني ءبارىمىزدىڭ ال­دى­مىزعا مەملەكەت باسشىسى قوي­عان مىندەتتەرگە باسىمدىق بەرۋ مالىمدەلدى, – دەيدى ا.جاعانوۆا. سەرىكجان مامبەتالين پارتيا جەتەكشىلىگىن بىلتىردان باستاپ قولعا الدى. باسشىلىقتى جاس بۋىن وكىلىنە بەرۋ شەشىمى «رۋحانياتتىڭ» جاستار قاناتىن دامىتۋ مۇددەسى تۇرعىسىنان قا­بىل­داندى. الايدا, ا.جاعا­نوۆا­نىڭ سوزىنە قاراعاندا, جاڭا ءتور­اعانىڭ جۇمىس ءستيلى پار­تيا­نىڭ باسشىلىق ورگاندارىن كوز­گە ىلمەي, بارلىق ماسەلەلەر بويىن­شا شەشىمدى جەكە-دارا قابىلداپ, جارعىلىق تالاپتارعا ءجۇردىم-بار­دىم قاراۋى پارتيانىڭ نەگىزىن قا­لاۋ­شى مەن ونىڭ سەرىكتەرىن قا­ناعاتتاندىرماعان. بەلگىلى جازۋشى-دراماتۋرگتىڭ اتاپ كورسەتكەنىندەي, قىزمەتىنە كىرىسىسىمەن س.مامبەتالين پار­تيالاس­تارى­نىڭ, اسىرەسە, وڭىرلەر وكىلدەرىنىڭ پىكىرلەرىمەن ساناسپاي, ءوزىنىڭ جەكە باسىن ناسيحاتتاۋمەن اينالىسقان. اسىرەسە, رۋحا­نيات­تىقتاردى پارتيا­نىڭ پارلامەنت ءماجىلىسىنىڭ دەپۋتات­تىعىنا كانديداتتار ۇسىنۋ ءۇشىن وتكى­زىل­گەن سەزى اشىندىردى. – سەزد مۇلدەم زاڭسىز ءوت­كىزىلدى. رەسپۋبليكالىق كوميتەت, پلەنۋم, پار­تيا­نىڭ ساياسي اتقارۋ كوميتەتى بىزدە بار-جوعى 7 ادام­دى قۇرايدى. ماسە­لەن, سولاردىڭ 5-ءى فورۋم جۇمىسىنا قاتىسقان جوق. ونىڭ ۇستىنە, جارعى بوي­ىن­شا پارتيانىڭ كەزەكتەن تىس سە­زىن وتكىزۋ تۋرالى شەشىم مىندەتتى تۇردە پلەنۋمدا قابىلدانىپ, وبلىس­تىق كونفەرەنتسيالار وتكى­زى­لۋى ءتيىس بولسا, ولاردىڭ ەشقاي­سى­سى مۇلدەم ۇيىمداستىرىلماعان. پارتيا فورۋ­مىن­دا بىرقاتار وڭىرلەردەن دەلەگاتتار دا وكىلدىك ەتپەگەن. سەزگە ءبىزدىڭ پار­تيا­مىز­عا ەشقانداي قاتىسى جوق ادام­دار قاتىسىپ وتىرعان. مەن سەزدى زاڭسىز, ال مامبەتاليننىڭ ءىس-ارەكەتىن مۇلدەم تازا ەمەس دەپ ەسەپتەيمىن. ول جاعدايدى بىلمەيتىن كانديداتتاردى اداسۋشى­لىققا ۇرىن­دىرسا, بۇل وعان بەدەل اپەرمەيدى, – دەپ مالىمدەيدى ا.جاعانوۆا. «رۋحانياتتىڭ» نەگىزىن قالاۋ­شى­نىڭ سوزىنە قاراعاندا, پارتيا سەز­دەرى جار­عىلىق ەرەجەسىز ءوت­كى­زىلمەيدى. جار­عىنى س.مامبەتالين بىلمەيدى, ءويت­كەنى, جارعى, قۇ­رىل­تاي قۇجات­تا­رى, ءمور – بارلىعى ا.جاعانوۆادا ساقتاۋلى. – ول مۇنى جاقسى بىلەدى, دەگەنمەن, مەن قازىر تاڭعالىپ وتىر­مىن, ول جارعىنى كوشكەن كەزدە جوعالتىپ ال­دىم دەپ مالىمدەۋدە. مۇنداي وتىرىك­تىڭ قاجەتى قانشا؟ سوندىقتان مەن جال­عان قۇجات جاساۋشى اداممەن بەت­پە-بەت كەلىپ وتىرمىز عوي دەپ ەسەپتەيمىن, – دەپ مالىمدەيدى ا.جاعانوۆا. –  مەن وسك-گە پارتيانى تىركەۋگە ۇسىنىلعان قۇجاتتاردى مۇقيات تەكسەرۋ كەرەكتىگىن ەسكەرتكەن بولا­تىنمىن. وسك تا­را­پىنان ەشقانداي ارەكەت بايقال­ما­عاندىقتان, مەن پروكۋرا­تۋ­را­عا قايىرىلۋعا ءماجبۇر بولدىم, – دەيدى جازۋشى-دراماتۋرگ. ا.جاعانوۆا باس پروكۋ­را­تۋ­راعا «رۋحانيات» توراعاسىنىڭ ءىس-ارەكەتى­نە قۇقىقتىق باعا بەرىپ, ءتيىستى شارا قابىلداۋ ءۇشىن قايىرىلعان. سون­داي-اق ول پارتيانى سايلاۋالدى دو­دا­سىنان الىپ تاستاۋدى تالاپ ەتىپ وتىر.