بىراق قوستاناي وبلىسىنىڭ وڭتۇستىگىندەگى اۋدانداردىڭ ولارعا قاتىسۋى شابان. سوندىقتان وبلىس اكىمى ارحيمەد مۇحامبەتوۆ تورعاي وڭىرىنە بارعان ساپارىندا وسى ماسەلەنى قارادى.ول بويىنشا وبلىس اكىمىنىڭ ورىنباسارى مەيىرجان مىرزاليەۆ باعدارلاما شەڭبەرىندە ميكروكرەديت الۋ ءۇشىن جۇمىستى جاڭا باستاۋشى كاسىپكەرلەر بيزنەستى جۇرگىزۋ نەگىزدەرى, سونىڭ ىشىندە «باستاۋ-بيزنەس» جوباسى بويىنشا وقۋلارى قاجەت ەكەنىن اتاپ ءوتتى.
«وتكەن جىلى جوباعا وبلىستىڭ وڭتۇستىك وڭىرلەرى قاتىسپادى, بيىل بارلىق اۋداندار مەن قالالاردا وقىتۋ جۇرگىزىلۋدە. جالپى 2 268 ادامدى وقىتۋ جوسپارلانۋدا, بۇل وتكەن جىلعا قاراعاندا 2 ەسە كوپ. وسى كۇنگە دەيىن 1 177 ادام وقىپ شىقتى, ولاردىڭ 693-ءى وزدەرىنىڭ بيزنەس-جوبالارىن قورعاپ, وقۋدان وتكەندىگى تۋرالى سەرتيفيكاتقا يە بولدى, 484 ادام جوباعا قاتىسقانى تۋرالى سەرتيفيكات الدى. اعىمداعى جىلى وبلىستىڭ وڭتۇستىك وڭىرلەرىنەن 132 ادام وقىدى» دەدى مەيىرجان ياباي ۇلى.
وبلىس باسشىسى ءوڭىر مۇمكىندىكتى, مەملەكەتتىك قولداۋدى بارىنشا پايدالانۋ كەرەكتىگىن ايتتى.
«بيزنەسپەن اينالىسامىن دەگەندەر مەملەكەت تاراپىنان بارلىق قولداۋدى الا الادى. سول ماقساتتا باعدارلامالار جەتەرلىك. «بيزنەستىڭ جول كارتاسى 2020» باعدارلاماسىنا قاتىسۋ وتە تومەن. ارقالىق قالاسىنان شامالى بار, جانگەلدين اۋدانىنان 2 جوبا, امانگەلدى مەن ناۋىرزىمنان ءبىر دە بىرەۋ جوق.اۋدان باسشىلارى, ءتيىستى قىزمەتكەرلەر مەملەكەتتىك باعدارلامالاردى تۇرعىندارعا مۇمكىندىگىنشە تانىستىرىپ, ءتۇسىندىرۋى كەرەك» دەدى ارحيمەد بەگەجان ۇلى.
ءنازيرا جارىمبەت,
«ەگەمەن قازاقستان»
قوستاناي وبلىسى
