وتىرىس قارساڭىندا تۇركى كينوسى كۇندەرىنىڭ اشىلۋ سالتاناتى, سونىمەن قاتار ساراپشىلار, مادەني مينيسترلىكتەر مەن ۇلتتىق كينوستۋديالاردىڭ وكىلدەرى, كينەماتوگرافيستەر, انيماتورلار مەن كينوسىنشىلاردىڭ سەمينارى بولدى.
قازاقستان سەناتىنىڭ دەپۋتاتى دينار نوكەتاەۆا كوميسسيانىڭ وتىرىسىندا كينەماتوگرافيا سالاسىنداعى زاڭنامانى ۇيلەستىرۋدىڭ ماڭىزدىلىعىن اتاپ ءوتىپ, تۇركپا-عا مۇشە مەملەكەتتەردىڭ رەجيسسەرلەرى مەن انيماتورلارىنىڭ باستامالارىنا قولداۋ ءبىلدىردى.
كەزدەسۋ بارىسىندا تۇركىتىلدەس ەلدەردىڭ كينەماتوگرافيستەرىن قولداۋ جونىندەگى حالىقارالىق قورىن جانە كينو مەن انيماتسيا جونىندەگى بىرلەسكەن ينتەرنەت-پورتالىن قۇرۋ, سونداي-اق جىل سايىن كينوفەستيۆال وتكىزۋدى ۇيىمداستىرۋ تۋرالى ۇسىنىستار ايتىلدى. مۇشە ەلدەردىڭ پارلامەنتشىلەرى وسى سالاداعى ۇلتتىق جانە كوپتاراپتى زاڭنامانى ۇيلەستىرۋگە قاتىستى بىرقاتار ويلارىن ورتاعا سالدى.
