جالپى, استانا قالاسىنىڭ مادەني كۇندەرى ءتۇرلى شارالارعا تولى بولماق. مىسالعا, تالدىقورعان قالاسىندا «اق تىلەكپەن, استانا» كورمەسى اشىلىپ, قىلقالام شەبەرلەرىنىڭ تۋىندىلارى كورەرمەن نازارىنا ۇسىنىلدى. ال «قورقىت» توبى مەن «شالقىما» ءانسامبلى دە قالا تۇرعىندارىنا اننەن شاشۋ شاشپاقشى.
شارانىڭ العاشقى تۇساۋكەسەرى «استانادان اق تىلەك» اتتى كونتسەرتتىك باعدارلامامەن بۇگىن ءىلياس جانسۇگىروۆ اتىنداعى مادەنيەت سارايىندا وتپەكشى. مۇندا ەلوردالىق 70 ونەرپاز جەتىسۋلىقتار ءۇشىن ونەر كورسەتەدى.
سونداي-اق, ەرتەڭ «جىر اتاسى قابان جىراۋ» اتتى كونتسەرت ءدال وسى مادەنيەت وشاعىندا شىمىلدىعىن تۇرەدى. ال مادەنيەت كۇندەردىڭ باعدارلاماسى بويىنشا استانا تەاترى بيكەن ريموۆا اتىنداعى وبلىستىق دراما تەاترىنىڭ ساحناسىندا بىرنەشە درامالىق قويىلىم ۇسىنادى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
