كونگرەسس دەۆيزى - «اقپاراتتىق تەحنولوگيالار داۋىرىندەگى ساپالى كوشباسشىلىقتىڭ بولاشاعى».
قازاقستان ساپا جانە يننوۆاتسيالىق مەنەدجمەنتى ۇيىمى (قسيمۇ), «اتامەكەن» ۇلتتىق كاسىپكەرلەر پالاتاسى جانە ازيا ساپا جەلىسى (Asian Network for Quality) ۇيىمداستىرۋشىلارى بولىپ تابىلادى.
كونگرەسس جۇمىسىنا قاتىسۋ ءۇشىن ازيانىڭ, اقش-تىڭ جانە ەۋروپانىڭ 20 ەلدەرىنەن 200-دەن ارتىق وكىلدەرى تىركەلدى. ولاردىڭ ىشىندە الەمنىڭ جەتەكشى ۋنيۆەرسيتەتتەرىنىڭ عالىمدارى مەن وقىتۋشىلارى, كوپتەگەن ەلدەردىڭ ۇلتتىق ساپا ۇيىمىنىڭ وكىلدەرى, سونداي-اق بيزنەس-قۇرىلىمداردىڭ مەنەدجەرلەرى مەن ماماندارى بار.
نەگىزگى بايانداماشىلار رەتىندە دۇنيە جۇزىنە بەلگىلى گۋرۋ جانە ساپا مەنەدجمەنتى سالاسىنداعى كاسىپقوي ماماندار شاقىرىلدى: پروفەسسور Noriaki Kano (جاپونيا), Claes Berlin (شۆەتسيا), Elizabeth Keim (اقش), پروف. Mohamed Zairi ( ۇلىبريتانيا), Juhani Antilla (فينليانديا), پروف. Wan-Seon Shin (وڭتۇستىك كورەيا) جانە تاعى باسقالارى. وسى كونگرەسس قاتىسۋشىلاردى كومپانيالاردى ەڭ وزىق باسقارۋ تۇجىرىمداماسىمەن تانىستىرۋعا, كوشباسشىلىققا قول جەتكىزۋ, باسەكەگە قابىلەتتىلىك سالاسىندا ۇزدىك دۇنيەجۇزىلىك پراكتيكالىق تاجىريبەسى تۋرالى اقپارات پەن ءبىلىمدى تاراتۋعا جانە ۇلتتىق كومپانيالار ءۇشىن حالىقارالىق مويىنداۋعا, سونداي-اق ولاردىڭ ونىمدەرى مەن كورسەتەتىن قىزمەتتەرىنە باعىتتالعان.
2002 جىلى قۇرىلعان ازيا ساپا جەلىسى (ANQ) ازيادا نەگىزگى ميسسياسى عىلىم مەن تەحنيكانىڭ پروگرەسىنە كومەكتەسۋ, ونەركاسىپتىڭ دامۋى مەن ادام ءومىرىنىڭ ساپاسىن جاقسارتۋ بولىپ تابىلاتىن جەتەكشى ۇكىمەتتىك ەمەس كوممەرتسيالىق ەمەس وڭىرلىك ۇيىم بولىپ تابىلادى. وعان ازيانىڭ 17-دەن ارتىق ەلدەرىنىڭ ۇلتتىق ساپا ۇيىمدارى كىرەدى, ولاردىڭ ىشىندە: قازاقستان, ءۇندىستان, قىتاي, وڭتۇستىك كورەيا, رەسەي, سينگاپۋر, جاپونيا, تايلاند جانە باسقالار. ازيا ساپا ۇيىمىن قۇرۋدىڭ باستاماشىسى ساپا جونىندەگى دۇنيە جۇزىنە بەلگىلى گۋرۋى, توكيو ۋنيۆەرسيتەتىنىڭ اتاقتى پروفەسسورى – نورياكي كانو.
ازيا ساپا جەلىسى شەڭبەرىندە بيزنەستى باسقارۋدىڭ جاڭا مودەلدەرى, ساپانى باسقارۋ سالاسىنداعى جەتەكشى ازيا كومپانيالارىنىڭ جەتىستىكتەرى ۇسىنىلاتىن جىل سايىنعى كونگرەستەر وتكىزىلەدى. كونگرەسس شەڭبەرىندە ازيا ساپا جەلىسىندە وتكىزىلەتىن حالىقارالىق ساپا كونكۋرستارىنىڭ قورىتىندىسى جاسالادى, سونداي-اق ءونىم جانە قىزمەتتەر ساپاسى, پەرسونال مەنەدجمەنتى, الەۋمەتتىك جاۋاپكەرشىلىك سالاسىندا ۇزدىك ناتيجەلەرگە قول جەتكىزگەنى ءۇشىن ماماندار مەن عالىمداردى ماراپاتتايدى. ۇيىمداردىڭ نەمەسە جەكە تۇلعالاردىڭ ماراپات الۋى ولاردىڭ ەڭبەگىن حالىقارالىق دەڭگەيدە مويىنداۋدى بىلدىرەدى.
وسى ءىس-شاراعا قاتىسۋ ءۇشىن قازاقستاننىڭ ءارتۇرلى وڭىرلەرىندەگى وتاندىق كومپانيالار كونگرەسس كاسىپورىنداردى باسقارۋدا, ءوز قىزمەتىندە يننوۆاتسيالاردى پايدالانۋدا وزىق ءبىلىمى مەن تاجىريبەسىمەن الماسۋ ءۇشىن مۇمكىندىك بەرەدى دەگەن ۇعىم بولعاندىقتان, ۇلكەن قىزىعۋشىلىق تانىتىپ وتىر, بولاشاقتا ءونىم مەن كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى دەگەن ناقتى جورىمال جاسايدى.
كونگرەسس 2018 جىلدىڭ 19-20 قىركۇيەگىندە قازاقستان, الماتى قالاسى, «ينتەركونتينەنتال» قوناق ۇيىندە وتەدى. كونگرەسس شەڭبەرىندە الماتى قالاسىنىڭ وندىرىستىك كاسىپورىندارىنا تەحنيكالىق بارلاۋ ۇيىمداستىرىلادى.
كونگرەسس شەڭبەرىندە ءارتۇرلى مەملەكەتتەردىڭ كاسىپورىندارى مەن ۇيىمدارى اراسىنداعى ىنتىماقتاستىققا كومەكتەسۋ ماقساتىندا قازاقستاندىق وندىرۋشىلەردىڭ كورمەسىن وتكىزۋ جوسپارلانۋدا.
كەلەسى 17-ءشى ازيا ساپا كونگرەسى ANQ - 2019 بانگكوكتا (تايلاند) وتەدى.
