جالپى العاندا, مارشرۋتتىڭ ۇزىندىعى 9 881 كم قۇرايدى. ونىڭ ايتارلىقتاي بولىگى قازاقستان رەسپۋبليكاسىنىڭ اۋماعى ارقىلى «باتىس ەۋروپا – باتىس قىتاي» جاڭا حالىقارالىق كولىك ءدالىزى ارقىلى وتەدى. بۇگىنگى تاڭدا اۆتوكەرۋەن قىتاي اۋماعى بويىنشا وڭتۇستىك-شىعىس جاعالاۋى (جۋدۋن ق.) ارقىلى 3 000 شاقىرىم جول ءجۇرىپ كەلدى. بۇدان ءارى مارشرۋت قازاقستان, رەسەي اۋماعىمەن الماتى, تاراز, تۇركىستان, قىزىلوردا, ارال, اقتوبە (قازاقستان) جانە ودان ءارى رەسەي (ورەنبۋرگ, المەتەۆسك, قازان, نيجني نوۆگورود, ۆلاديمير, تورجوك جانە سانكت-پەتەربۋرگ) قالالارى ارقىلى وتەدى. اۆتوشەرۋدىڭ قازاقستاندىق بولىگىندە كولىكتەرگە گاز قۇيۋدى «قازترانسگاز» اق – ۇلتتىق گاز وپەراتورى قامتاماسىز ەتەتىن بولادى. اۆتوشەرۋگە قاتىسۋشىلاردىڭ مارەگە جەتەتىن كۇنى VIII پەتەربۋرگ حالىقارالىق گاز فورۋمىن اشۋ اياسىندا سانكت-پەتەربۋرگ قالاسىندا 4 قازاندا جوسپارلانىپ وتىر.
اۆتوشەرۋ قاتىسۋشىلارىن قازاقستان جەرىندە قارسى العان «قازترانسگاز ونىمدەرى» جشس باس ديرەكتورى ارمان قاسەنوۆ, شارانىڭ ۇلكەن ماڭىزعا يە ەكەنىن اتاپ ءوتتى. ء«بىزدىڭ ەلدەر ءۇشىن كومپريميرلەنگەن جانە سۇيىتىلعان گاز نارىعىن دامىتۋ سالاسىنداعى ىنتىماقتاستىقتىڭ ماڭىزى زور» - دەپ اتاپ ءوتتى ارمان قاسەنوۆ. – وسى اۆتوشەرۋ گازموتورلى وتىن ءتۇرىنىڭ الدەقايدا ءتيىمدى ەكەنىن, ونىڭ ارتىقشىلىقتارىن پاش ەتەتىن بولادى. بۇگىندە قازاقستاندا كوپتەگەن قالالاردىڭ اكىمدىگى مۋنيتسيپالدى اۆتوكولىكتەردى وسى وتىنعا اۋىستىرۋعا كۇش سالىپ وتىر. ال وسى اۆتوشەرۋ ساپىندا كەلە جاتقان اۆتوبۋستار جۋىق ارادا ءوز ەلىمىزدە وندىرىلە باستاماقشى».
اۆتوشەرۋ كولونناسى سۇيىتىلعان جانە كومپريميرلەنگەن (سىعىمدالعان) تابيعي گازبەن جۇرەتىن 17 جۇك تاسيتىن جانە جەڭىل اۆتوموبيل مەن اۆتوبۋستاردان تۇرادى. «قازترانسگاز» اق-نا, وسى ءىس-شارانىڭ اياسىندا, «باتىس ەۋروپا – باتىس قىتاي» ترانسكونتينەنتالدىق كولىك ءدالىزىنىڭ قازاقستاندىق ۋچاسكەسىندە ءتيىمدى گاز قۇيۋ ينفراقۇرىلىمىن سالۋ جوسپارىن ايقىنداۋ مىندەتى تۇر. بۇدان باسقا, اۆتوشەرۋ ءداستۇرلى وتىن تۇرلەرىنە قاراعاندا موتور وتىنى رەتىندە تابيعي گازدى پايدالانۋدىڭ باسىمدىعىن كورسەتۋگە ارنالعان.
تابيعي گازبەن جۇرەتىن تەحنيكالار كولونناسى 16 قىركۇيەكتە الماتى قالاسىنا كەلدى, وندا «جاسىل ەكونوميكا جولىنداعى اۆتوونەركاسىپ: كەدەرگىلەر مەن پەرسپەكتيۆالار» اتتى دوڭگەلەك ۇستەل ۇيىمداستىرىلدى. وندا سالا ماماندارى جانە اۆتوكولىك شىعاراتىن زاۋىتتاردىڭ وكىلدەرى گازموتورلى وتىن نارىعىن دامىتۋ جولدارى مەن پروبلەمالارى تۋرالى ويلارىن ورتاعا سالىپ, مەملەكەت تاراپىنان كورسەتىلىپ جاتقان قولداۋ شارالارىنا توقتالدى. دوڭگەلەك ۇستەل قورىتىندىسى بويىنشا ەكونوميكالىق جاعىنان دا ەكولوگيا تۇرعىسىنان دا الدەقايدا ءتيىمدى تابيعي گازدى موتور وتىنى رەتىندە پايدالانۋدى جان جاقتى قولداۋ تۋرالى قارار قابىلدادى. بۇل قۇجاتقا 21 قىركۇيەك كۇنى اۆتوشەرۋ كولونناسى اقتوبە قالاسىنا جەتكەن ساتتە قول قويۋ جوسپارلانىپ وتىر.
بۇگىنگى تاڭدا قازاقستاندا كولىك سەكتورىن جاڭعىرتۋ جانە ونى ديزەل وتىنىنان تابيعي گازعا اۋىستىرۋ ماسەلەسى قاتاڭ تۇردە پىسىقتالۋدا. 2022 جىلعا قاراي كولىك سەكتورىنىڭ تابيعي گازدى تۇتىنۋىن ون ەسەگە ۇلعايتۋ بولجانىپ وتىر. بۇل ءۇشىن اۆتوماتتى جانە كريوگەندى گاز تولتىرۋ ستانتسيالار جەلىسىن كەڭەيتۋ جوبالارى ىسكە اسىرىلاتىن بولادى. وسى كورسەتكىشتەرگە قول جەتكىزۋ زياندى زاتتاردىڭ شىعارىلۋىنىڭ تومەندەۋىنە, جۇمىس ورىندارىن كوبەيتۋگە جانە وتىن شىعىندارىن نەعۇرلىم ۇنەمدەۋگە ايتارلىقتاي اسەر ەتەدى.
قازاقستاندا موتور وتىنى رەتىندە تابيعي گازدى دامىتۋعا جانە اۆتوموبيل گاز تولتىرۋ كومپرەسسورلىق ستانتسيالارىن سالۋعا «قازترانسگاز» اق-نىڭ ەنشىلەس كاسىپورنى بولىپ تابىلاتىن «قازترانسگاز ونىمدەرى» جشس جەتەكشىلىك ەتەدى.
