ابىلاي حان الاڭىنان ساپارعا شىققان ەكسپەديتسيا ون كۇن ىشىندە ءحVىىى عاسىرداعى «كوكشەتاۋ-اقمولا- ۇلىتاۋ-تۇركىستان» كەرۋەن جولىمەن ءجۇرىپ وتپەك. تاعىلىمدى ەكسپەديتسيا اقمولا وبلىسىنىڭ اكىمى مالىك ءمىرزاليننىڭ تىكەلەي قولداۋىمەن جانە قوعام قايراتكەرى مۇرات قاجى ىدىرىس ۇلىنىڭ باستاماسىمەن ۇيىمداستىرىلىپ وتىر.
ەكسپەديتسيا قۇرامىنا بەلگىلى عالىمدار مەن تاريحشىلار, ولكەتانۋشىلار, قوعام قايراتكەرلەرى جانە بۇقارالىق اقپارات قۇرالدارىنىڭ وكىلدەرى كىرگەن. ولار ون كۇن بويى ابىلاي حاننىڭ تابان ءىزى قالعان «كوكشەتاۋ-اقمولا- ۇلىتاۋ-تۇركىستان» كەرۋەن جولىمەن ءجۇرىپ ءوتىپ, تاريحي مالىمەتتەر, تىڭ دەرەكتەر جيناماق.
الداعى ۋاقىتتا ابىلاي مەن ونىڭ زامانى تۋرالى جيناقتالعان ماتەريالدار ارنايى جيناق بولىپ جارىق كورەتىن بولادى. سونداي-اق, «ابىلاي حاننىڭ قارا جولى» اتتى كوركەم فيلمدە ءتۇسىرۋ دە جوسپارلانعان.
ەكسپەديتسيا قورىتىندىسى بويىنشا اقمولا وبلىسى جانە كوكشەتاۋ قالاسىنىڭ تابيعي جانە توپونيمدىك لانشافتاسىن قولدانا وتىرىپ جينالعان, ەلىمىزدە تەڭدەسسىز توپوگرافيالىق كارتا قۇراستىرۋ مەجەلەنگەن. .
شارا بارىسىندا «اقمولا-تىرشىلىك» سەرىكتەستىگىنىڭ ديرەكتورى, جازۋشى-دراماتۋرگ, قوعام قايراتكەرى جابال ەرعاليەۆ پەن قوعام قايراتكەرى مۇرات قاجى ىدىرىس ۇلى جينالعاندارعا تاريحي ەكسپەديتسيانىڭ ماڭىزدىلىعى تۋرالى ايتىپ بەردى. سونىمەن قاتار, ابىلاي حاننىڭ ۇرپاعى سانسىزباي مۇحيتانوۆ جانە مادەنيەت اۋىلىنىڭ اقساقالى دۋلات ءامىروۆ ءسوزى الىپ, ەكسپەديتسيا مۇشلەرىنە اق باتاسىن بەرىپ, اقجولتاي ءسات-ساپار تىلەدى.
بايقال ءبايادىل,
«ەگەمەن قازاقستان»
اقمولا وبلىسى,
بۋراباي اۋدانى
