كۋبا ەلىمىزدىڭ كاريب باسسەينى وڭىرىندەگى ماڭىزدى سەرىكتەسى ەكەنىن اتاپ وتكەن ءماجىلىس توراعاسى ديپلوماتيالىق قارىم-قاتىناس ورناعان 25 جىل ىشىندە ەكى ەل اراسىندا سەنىمدى ساياسي ۇنقاتىسۋ ورناعانىن ايتتى.
اڭگىمەلەسۋ بارىسىندا 2016 جىلى قازاقستان پرەزيدەنتى نۇرسۇلتان نازارباەۆتىڭ كۋبادا وتكەن العاشقى رەسمي ساپارىنا نازار اۋدارعان ن.نىعماتۋلين ونىڭ ەكىجاقتى ىنتىماقتاستىقتى نىعايتۋداعى ماڭىزدىلىعىنا توقتالدى.
سونىمەن قاتار, كەزدەسۋدە ساۋدا-ەكونوميكالىق ىنتىماقتاستىقتى دامىتۋ جانە ىسكەرلىك بايلانىستاردى ارتتىرۋ ماسەلەسىنە كوڭىل ءبولدى. ونداعى باسىم باعىتتاردىڭ قاتارىندا - تۋريزم, فارماتسەۆتيكا جانە بيوتەحنولوگيا سالالارى بار.
نۇرلان نىعماتۋلين ءتيىستى كوميتەتتەر مەن ىنتىماقتاستىق توپتاردىڭ مۇمكىندىكتەرىن پايدالانا وتىرىپ, قازاقستان-كۋبا پارلامەنتارالىق بايلانىستارىن نىعايتۋدى تەرەڭدەتۋ, سونىمەن قاتار, زاڭ شىعارۋ قىزمەتىندە تاجىريبە الماسۋدى ودان ءارى جەتىلدىرۋدىڭ قاجەتتىلىگىن اتاپ ءوتتى.
ءوز كەزەگىندە ەميليو پەۆيدا پۋپو ءبىزدىڭ ەلىمىزگە, اسىرەسە ءبىلىم بەرۋ سالاسىندا, كۋباعا كومەك كورسەتكەنى ءۇشىن العىسىن ءبىلدىرىپ, ولاردىڭ ءوز وتانىندا تابىستى ەڭبەك ەتىپ جاتقانىن العا تارتقان ديپلومات الداعى ۋاقىتتا دا ەكى جاقتى قارىم-قاتىناستاردى دامىتۋ جولىندا بەلسەندى جۇمىس ىستەيتىنىن جەتكىزدى.
