تۇرىك كاپيتالىنىڭ قاتىسۋىمەن جوبالار, اسىرەسە, ەل ەكونوميكاسىنىڭ شيكىزاتتىق ەمەس سەكتورىن دامىتۋعا باعىتتالدى. بۇدان باسقا ولار 3000-نان استام جۇمىس ورنىمەن قامتاماسىز ەتەدى.
«بۇگىندە تۇركيا شەتەلدىك قاتىسۋمەن كومپانيا سانى بويىنشا ەكىنشى ورىندى يەلەنەدى. ءبىزدىڭ ەلدە تۇرىك كومپانيالارىنىڭ قاتىسۋىن كەڭەيتۋ ەلدەر اراسىنداعى كاپيتال, ۇزدىك پراكتيكا جانە تەحنولوگيالارمەن الماسۋعا ىقپال ەتەتىن نەگىزگى فاكتورلاردىڭ ءبىرى بولىپ تابىلادى», - دەپ اتاپ ءوتتى قازاقستاندىق-تۇرىكتىك ينۆەستيتسيالىق فورۋمدى اشقان قر پرەمەر-ءمينيسترىنىڭ ءبىرىنشى ورىنباسارى ا. مامين.
قازاقستاندىق جانە تۇرىكتىك كومپانيالار جالپى سوماسى شامامەن $1,7 ملرد. 22 كوممەرتسيالىق قۇجاتقا قول قويدى. قۇجاتتار ءتۇرلى ينۆەستيتسيالىق جوبالاردى ىسكە اسىرۋدى قامتاماسىز ەتۋگە باعىتتالدى. سونىمەن, مىسالى جامبىل وبلىسىندا جالپى سوماسى $270 ملن. بولاتىن, 350 جۇمىس ورنىن قۇرا وتىرىپ, مەتاللۋرگيالىق, حيميالىق جانە شىنى ونەركاسىپتەرىندە پايدلانىلاتىن كالتسي قوسىلعان سودا وندىرەتىن زاۋىت سالۋ جوسپارلاندى.
Kazakh Invest جانە Eksen Group قول جەتكىزگەن ۋاعدالاستىقتارىنا سايكەس تۇرىك ينۆەستورلارى الماتى قالاسىندا قۇنى $300 ملن. بولاتىن جاڭا Downtown Almaty قارجىلىق, الەۋمەتتىك, بيزنەس-ورتالىعىن سالۋدى جوسپارلاۋدا. Downtown Almaty-دا بيزنەس ورتالىقتار, JW Marriot قوناقۇيى مەن ليۋكس سىنىپتى اپارتامەنتتنەر ورنالاستىرىلادى.
تۇركىستان وبلىسىنىڭ اكىمدىگى جانە DAL Holding 700 جۇمىس ورنىن قۇرا وتىرىپ, قۇنى $200 ملن بولاتىن جىلىتۋ كەشەنىن سالۋ جوباسىن ىسكە اسىرۋ تۋرالى كەلىسىمگە قول قويدى.
قازىر قازاقستاندا Yildizlar SSS Holding, DAL Holding, Zorlu Holding, Calik Holding, Oyak Holding, Enprode جانە ت.ب. سياقتى ءىرى تۇرىك كومپانيالارىنىڭ قاتىسۋىمەن جاڭا ءىرى جوبالار ىسكە اسىرىلۋدا.
بۇل قازاقستاندىق ەكونوميكا ءۇشىن باسىم سالالاردا جۇمىس ىستەيتىن جاڭا تۇرىكتىڭ تنك مۇددەلىلىگىنىڭ ارتقانىن كورسەتەدى. ء«بىز ءىرى تۇرىك حولدينگتەرىنىڭ قازاقستاندىق نارىققا قاتىسۋىن كەڭەيتۋ ترەندىن نىعايتۋ تۋرالى ايتا الامىز. ەگەر بۇدان بۇرىن تۇرىك ينۆەستورلارى كەلگەن ءداستۇرلى سالالار قوناقۇي بيزنەسى, شاعىن جانە ورتا بيزنەس دەڭگەيىندە قۇرىلىس ماتەريالدارىن شىعارۋ سانالسا, ەندى بۇگىن ءىرى تۇرىك كومپانيالارى تمك, اۋىل شارۋاشىلىعى, اگروحيميا, مەتاللۋرگيا, وڭدەۋشى ونەركاسىپ جانە ت.ب. سياقتى جاڭا سالالاردى اشۋدا», - دەدى «Kazakh Invest» اق باسقارماسىنىڭ توراعاسى س. تقياقباەۆ.
«يدا حولدينگ» باسقارماسىنىڭ توراعاسى ح.ارسلان تۇرىك ينۆەستورلارى ساياسي تۇراقتىلىق, قولايلى ينۆەستيتسيالىق كليمات, ەۋرازيالىق ەكونوميكالىق وداق, ورتالىق ازيا, باتىس قىتاي نارىقتارىنا اشىلىپ جاتقان جولدىڭ ارقاسىندا ءوز وندىرىستەرىن كەڭەيتۋگە مۇددەلى ەكەنىن اتاپ ءوتتى.
زاڭنامانى تۇراقتى جەتىلدىرۋ جانە مەملەكەتتىك-جەكە ارىپتەستىك, «استانا» حالىقارالىق قارجى ورتالىعى سياقتى جاڭا ينۆەستيتسيالاۋ تەتىكتەرىن ەنگىزۋدىڭ ماڭىزى زور.
«نۇرلى جەر», «نۇرلى جول» يندۋستريالدىق يننوۆاتسيالىق دامۋ مەملەكەتتىك باعدارلامالارى اياسىندا اسا قىزىقتى مۇمكىندىكتەر اشىلۋدا, - دەگەن ويىمەن ءبولىستى ح. ارسلان فورۋم اياسىندا. - ول قازاقستاندىق جانە تۇرىكتىك مەملەكەتتىك ورگاندار, ىسكەرلىك ورتالار, ۇلتتىق جانە جەكە كومپانيالاردى جاقىنداتۋ, ءوزارا ءتيىمدى ۋاعدالاستىقتارعا قول جەتكىزۋ جانە كەلىسسوزدەر جۇرگىزۋ ءۇشىن ديالوگتىق الاڭ بەرۋگە شاقىرادى.
قازاقستاندىق-تۇرىكتىك ينۆەستيتسيالىق فورۋمدى تۇركياداعى قر ەلشىلىگىنىڭ قولداۋىمەن Kazakh Invest ۇيىمداستىردى. ءىس-شاراعا قر پرەمەر-ءمينيسترىنىڭ ءبىرىنشى ورىنباسارى اسقار مامين, تر ەنەرگەتيكا جانە تابيعي رەسۋرستار ءمينيسترى فاتيx دونمەز, «سامۇرىق قازىنا» قاق» اق باسقارماسىنىڭ توراعاسى احمەتجان ەسىموۆ, «اتامەكەن»قر ۇكپ باسقارماسىنىڭ توراعاسى ابىلاي مىرزاحمەتوۆ, ينۆەستيتسيا جانە دامۋ ءمينيسترى ج. قاسىمبەك, «Kazakh Invest» ۇك باسقارماسىنىڭ توراعاسى ساپاربەك تۇياقباەۆ, سونداي-اق 200-دەن استام قازاقستاندىق-تۇرىكتىك كومپانيالار وكىلدەرى قاتىستى.
