جيىنعا, سونداي-اق, قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى, پارلامەنت دەپۋتاتتارى, مەملەكەتتىك ورگانداردىڭ, «اتامەكەن» ۇلتتىق كاسىپكەرلەر پالاتاسىنىڭ, ۇكىمەتتىك ەمەس ۇيىمداردىڭ, كاسىپكەر ايەلدەر قوعامداستىعىنىڭ وكىلدەرى قاتىستى.
گۇلشارا ابدىقالىقوۆا قۇتتىقتاۋ سوزىندە ەلباسى ن.ءا.نازارباەۆتىڭ قازاقستان مەن وزبەكستان اراسىنداعى ەكى جاقتى قارىم-قاتىناستىڭ دامۋىنا ايرىقشا كوڭىل بولەتىنىن اتاپ ءوتتى.
مەملەكەتتىك حاتشى قازاقستان پرەزيدەنتىنىڭ: ء«بىزدىڭ ەكى حالىقتىڭ قارىم-قاتىناسىنىڭ شىنايى باۋىرلاستىق سيپاتى ءوز تامىرىن عاسىرلار قويناۋىنان تارتىپ, اتا-بابالارىمىزدىڭ ورتاق تاريحى مەن باي رۋحاني مۇراسى ارقىلى بەكي تۇسەدى» دەگەن سوزىنە نازار اۋداردى.
گ.ابدىقالىقوۆا قازاقستاندا ايەلدەردىڭ ەكونوميكالىق مۇمكىندىكتەرىن كەڭەيتۋگە باعىتتالعان مەملەكەتتىك ساياسات جۇرگىزىلىپ وتىرعانىن ايتتى.
– دەموكراتيالىق قوعام قۇرۋدىڭ نەگىزگى باعىتتارىنىڭ ءبىرى – گەندەرلىك تەپە-تەڭدىكتى قامتاماسىز ەتۋ. تاۋەلسىزدىك جىلدارىندا قوماقتى ناتيجەلەرگە قول جەتكىزدىك. بىزدە ايەلدەردىڭ ساياساتقا ارالاسۋى جونىنەن ورنىقتى ىلگەرىلەۋشىلىك بار. ماجىلىستەگى دەپۋتاتتاردىڭ 29-ى ايەل, بۇل – دەپۋتاتتار سانىنىڭ 27 پايىزىنان استام كورسەتكىش. ەكونوميكادا ايەلدەر كاسىپكەرلىگىنىڭ قارقىندى سەكتورى قالىپتاستى. شاعىن جانە ورتا بيزنەس سۋبەكتىلەرىنىڭ 44 پايىزىن ايەلدەر باسقارادى, ولار بۇل سالاداعى بارلىق جۇمىس ورنىنىڭ ۇشتەن ءبىرىن قامتاماسىز ەتىپ وتىر, – دەدى مەملەكەتتىك حاتشى.
فورۋمدا قازاقستان رەسپۋبليكاسىنىڭ پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مەن وزبەكستان ايەلدەرى كوميتەتى اراسىنداعى ىنتىماقتاستىق تۋرالى مەموراندۋمعا قول قويىلىپ, قازاقستان مەن وزبەكستاننىڭ كاسىپكەر ايەلدەرىنىڭ يننوۆاتسيالىق بيزنەس-جوبالارى تانىستىرىلدى. سونداي-اق, تاراپتار وزىق تاجىريبەلەرىن ورتاعا سالدى.
گ.ابدىقالىقوۆا فورۋم اياسىندا وزبەكستان رەسپۋبليكاسى پرەمەر-ءمينيسترىنىڭ ورىنباسارى, ايەلدەر كوميتەتىنىڭ ءتورايىمى ت.نارباەۆامەن بىرگە ايەلدەر بيزنەس قوعامداستىقتارى ىنتىماقتاستىعىنىڭ, سونداي-اق ايەلدەردىڭ ءرولىن ارتتىرۋ جانە ولاردىڭ مۇمكىندىكتەرىن كەڭەيتۋدىڭ وزەكتى ماسەلەلەرىن تالقىلادى.
