بۇقارا اراسىندا كىتاپ وقۋ مادەنيەتىن دامىتىپ, وتاندىق قالامگەرلەر شىعارمالارىن ناسيحاتتاۋدى ماقسات ەتەتىن مادەني شاراعا ەلىمىزگە تانىمال تۇلعالار, بلوگەرلەر مەن باق وكىلدەرى قاتىستى.
فەستيۆال الاڭىندا وتىزعا جۋىق باسپا جانە كىتاپ دۇكەندەرى ءوز ونىمدەرىن ۇسىندى. ال كىتاپ مەرەكەسىنىڭ ماڭىزدى بولىگى ءارى كىتاپ وقىرماندارىنا جەكە كىتاپحاناسىنداعى كىتاپتارىمەن الماسۋعا مۇمكىندىك بەرەتىن IBOOKYOUSWAP اياسىندا بەس مىڭداي كىتاپ جينالدى.
«جازۋشىلار شاڭىراعىندا» كورمە قوناقتارى ولەگ چەرۆينسكي, حاكيم بۋليبەكوۆ, Jan Amany, ناتاليا ماحنو, الماز شارمان جانە ت.ب. اۆتورلاردىڭ جاڭا كىتاپتارىمەن تانىسىپ, «كىتاپ وففلاين» بولىمىندە تانىمال تۇلعالار جانە جۋرناليستەرمەن كەزدەستى, سونداي-اق وزدەرىن قىزىقتىرعان سۇراقتارعا جاۋاپ الدى. ال «ارۋنا» باسپا ءۇيى بالالارعا ارنالعان «كىتاپتار قالاي پايدا بولادى؟» دەگەن تاقىرىپقا ويىن-ساۋىق باعدارلاماسىن ۇسىندى.
دەمالىس كۇنىنە ورايلاستىرىلىپ وتكىزىلگەن مادەني شارادا بارىسىندا قالا تۇرعىندارى مەن قوناقتارى ەرەكشە كوڭىل-كۇيدە بولدى.
ەلۆيرا سەرىكقىزى,
«ەگەمەن قازاقستان»
الماتى
