ۇكىمەت ساعاتىنىڭ تاقىرىبى - «2015 – 2019 جىلدارعا ارنالعان «نۇرلى جول» ينفراقۇرىلىمدى دامىتۋ مەملەكەتتىك باعدارلاماسىن ىسكە اسىرۋ اياسىندا اۆتوموبيل جولدارىن دامىتۋ».
وتىرىستى اشقان ۆيتسە-سپيكەر ۆ. بوجكو «ۇلت جوسپارى – ءجۇز ناقتى قادام» جوباسىندا 65-قادام قازاقستاندى حالىقارالىق كولىك-كوممۋنيكاتسيالىق اعىمدارعا ينتەگراتسيالاۋ باسىمدىعى دەپ بەلگىلەنگەنىن اتاپ ءوتتى.
اتقارىلىپ جاتقان جۇمىستار جونىندە ينۆەستيتسيالار جانە دامۋ ءمينيسترى جەڭىس قاسىمبەك بايانداما جاساپ, باعدارلامانىڭ باستى باعىتى اۆتوجول سالاسى ەكەنىنە توقتالدى. بۇل باعىتتا ەلىمىزدىڭ اۆتوموبيل جولدارىن رەكونسترۋكتسيالاۋ مەن سالۋ جۇمىستارى جۇرگىزىلىپ, ولار ەلىمىزدىڭ ءىرى قالالارىن ساپالى ينفراقۇرىلىمعا قوساتىنىن جانە اۆتوموبيل كولىگىمەن ترانزيتتىك جۇك تاسىمالى كولەمىن ۇلعايتۋعا مۇمكىندىك بەرەتىنىن ايتتى.
قوسىمشا بايانداما جاساعان ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ توراعاسى ن. سابيليانوۆ «نۇرلى جول» مەملەكەتتىك باعدارلاماسى كولىك ينفراقۇرىلىمىن كەڭ اۋقىمدى جاڭعىرتۋدى قامتاماسىز ەتكەنىن سەنىمدىلىكپەن ايتۋعا بولاتىنىن جەتكىزدى. اۆتوموبيل جولدارىن دامىتۋعا باعدارلاما بويىنشا بيۋدجەتتەن 2 ترلن. 400 ملرد. تەڭگە قاراستىرىلعان. بۇل ەل ەكونوميكاسىنىڭ ودان ءارى ءوسۋى ءۇشىن اۆتوموبيل جولدارىن دامىتۋدىڭ ۇلكەن ءرول اتقاراتىنىن كورسەتەدى.
ءوز كەزەگىندە دەپۋتات اۆتوجول سالاسىنىڭ دامۋىنا تەرىس اسەر ەتەتىن بىرقاتار ماسەلەلەرگە توقتالدى. ولار: اۆتوجولدار بويىنشا جوبالاردى ىسكە اسىرۋدىڭ باستاپقىدا بەلگىلەنگەن مەرزىمدەرىنىڭ بۇزىلۋى جانە ولاردى بىرنەشە مارتە تۇزەتۋ ماسەلەسى, سالىنعان اۆتوموبيل جولدارىنىڭ ساپاسى, سونداي-اق, مەملەكەتتىك باعدارلامانى ىسكە اسىرۋدىڭ جوسپارلى كورسەتكىشتەرىنە قول جەتكىزبەۋ پروبلەماسى, جول جابىندارىنىڭ كوتەرۋ قابىلەتىنىڭ جىلدام توزۋى جانە جەرگىلىكتى ماڭىزى بار اۆتوموبيل جولدارىن جوندەۋدى قارجىلاندىرۋ, سونىمەن قاتار جوبالاردى بەكىتۋ كەزىندە كەيبىر رەسپۋبليكالىق ماڭىزى بار اۆتوموبيل جولدارىن جوندەۋ جونىندەگى جوبالاردى قارجىلاندىرۋ جۇيەسىندە اشىقتىقتىڭ بولماۋى مەن جول سەرۆيسىنىڭ دامىماعاندىعى مەن ساپاسىنىڭ تومەندىگى, سونداي-اق اۆتوجولداردا ناۆيگاتسيا جۇيەسىنىڭ بولماۋى.
كەزدەسۋدە تالقىلانعان ماسەلە بويىنشا دەپۋتاتتار ءتيىستى ۇسىنىمدار قابىلدادى.
