بايقاۋ ماقساتى – ينتەرنەت جۇيەسىندەگى ۇزدىك قازاقتىلدى رەسۋرستاردى انىقتاۋ مەن ناسيحاتتاۋعا, ولاردىڭ سانى مەن ساپاسىن ارتتىرۋعا, اقپارات كەڭىستىگىندە قازاق ءتىلىنىڭ قولدانىس اياسىن كەڭەيتۋگە جانە ۇزدىكتەردىڭ تانىمالدىلىعىن كوتەرۋگە ىقپال ەتۋ.
بايقاۋ ءۇشىنشى رەت وتكىزىلىپ وتىر. وتكەن ەكى جىلدا 17 وتاندىق قازاقتىلدى سايتتار بايقاۋ لاۋرەاتتارى اتانىپ, اقشالاي سىيلىققا يە بولدى.
سىيلىق مىناداي نوميناتسيالار بويىنشا تاعايىندالادى:
«وتكىر ءتىل» — قازاق ءتىلىن جانە ۇلتتىق قۇندىلىقتاردى ناسيحاتتاۋشى ۇزدىك سايت;
«رۋحاني ازىق» – قازاق ادەبيەتى مەن مادەنيەتى تۋرالى ماتەريالداردى شىعاراتىن ۇزدىك سايت;
«تەرەڭ ىزدەنىس» — قازاق ەلىنىڭ تاريحىن ناسيحاتتاۋشى ۇزدىك سايت;
«شىنايى ءومىر» – قوعامداعى وزەكتى ماسەلەلەردى تالقىلايتىن ۇزدىك سايت;
«سپورت تىنىسى» — سالاۋاتتى ءومىر سالتى مەن سپورتتى ناسيحاتتاۋشى ۇزدىك سايت;
ء«بىلىم بۇلاعى» — ءبىلىم بەرەتىن ۇزدىك سايت;
«جاستار الەمى» — جاستار تاقىرىبىنا ارنالعان ۇزدىك سايت;
«ايماق ايناسى» — ۇزدىك ايماقتىق سايت;
«بالالارعا بازارلىق» — بالالارعا ارنالعان ۇزدىك سايت;
«ويىن- ساۋىق» — ۇزدىك ويىن-ساۋىق سايتى.
ءاربىر نوميناتسيا بويىنشا جەڭىمپازعا 385 مىڭ تەڭگە كولەمىندە اقشالاي سىيلىق تاپسىرىلادى. بايقاۋ قورىتىندىسى وسى جىلعى قاراشا ايىنىڭ سوڭىندا شىعادى.
بايقاۋ جەڭىمپازدارىن بەلگىلى قوعام قايراتكەرلەرى, قالامگەر-جۋرناليستەر مەن بايقاۋ قۇرىلتايشىلارىنان جاساقتالعان قازىلار القاسى انىقتايدى.
قازىلار القاسى سايتتاردى مازمۇنى, قىزمەت باعىتى, ينتەراكتيۆتىلىگى, كوركەمدىك جاعى, يدەيا ەرەكشەلىگى, تارتىمدىلىعى سەكىلدى تالاپتار بويىنشا سارالاپ, جەڭىمپازداردى انىقتايدى.
بايقاۋعا ۇكىمەتتىك ەمەس, تاۋەلسىز قوعامدىق سايتتار, عالامتور كەڭىستىگىندەگى تاجىريبەسى كەمىندە ءبىر جىلدى قۇرايتىن, قازاق تىلىندە اقپارات تاراتاتىن جانە قىزمەت ءتۇرى قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن كەز كەلگەن سايت قاتىسا الادى. بايقاۋعا مەملەكەتتىك ورگانداردىڭ, شەتەلدىك ۇيىمداردىڭ, بۇقارالىق اقپارات قۇرالدارىنىڭ ەلەكتروندى نۇسقالارى (گازەت, تۆ, راديو) قاتىسا المايدى.
بايقاۋ ەرەجەسىمەن قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ www.fpp.kz جانە مەملەكەتتىك ءتىلدى دامىتۋ قورىنىڭ www.qazaq-found.kz سايتتارىنان تانىسۋعا بولادى.
بايقاۋعا وتىنىمدەر مەملەكەتتىك ءتىلدى دامىتۋ قورىنىڭ info@qazaq-found.kz ەلەكتروندى مەكەنجايىنا 2018 جىلدىڭ 10 قىركۇيەگىنەن 10 قاراشاسىنا دەيىن جىبەرىلۋى ءتيىس.
