قىزىلوردادا وبلىس باسشىلىعى, قازاقستاننىڭ ەكولوگيالىق ۇيىمدارى قاۋىمداستىعى, مۇددەلى مەكەمەلەر جانە مەملەكەتتىك ورگانداردىڭ قاتىسۋىمەن ءماجىلىس ءوتتى.
«قر پرەزيدەنتى نۇرسۇلتان نازارباەۆتىڭ تاريحي شەشىمدەرىنىڭ ارقاسىندا قازاقستان «جاسىل ەكونوميكانى» ىسكە اسىرۋعا باعىتتالعان بىرقاتار باستامالاردىڭ باستاۋشىسىنا اينالىپ وتىر. ولاردى ىسكە اسىرۋ بيزنەس پەن عىلىمنىڭ كۇشىن بىرىكتىرۋدى, مەملەكەت پەن حالىقارالىق ۇيىمداردىڭ جۇيەلى قارىم-قاتىناس قۇرۋىن تالاپ ەتەدى. ۇكىمەتتىك ەمەس ۇيىمدارعا وسى سالا بويىنشا ۇلكەن جاۋاپكەرشىلىك ارتىلۋدا. قازىرگى تاڭدا ولاردىڭ رەسپۋبليكا بويىنشا جالپى سانى شامامەن 20 000-عا جەتتى, ولاردىڭ 8%-ى قورشاعان ورتانى قورعاۋ جانە جاسىل تەحنولوگيالار سالاسىندا جۇمىس ىستەيدى. قىزىلوردا وبلىسىندا قورشاعان ورتانى قورعاۋ سالاسى بويىنشا 7 ۇيىم جۇمىس ىستەپ تۇر», - دەدى ايماق باسشىسى.
قول قويىلعان مەموراندۋم اياسىندا تاراپتار بىرقاتار مىندەتتەردى شەشۋدى جوسپارلاپ وتىر: قىزىلوردا وبلىسىنىڭ قورشاعان ورتاسىن جاقسارتۋ بويىنشا بىرلەسكەن كەشەندى شارالاردى جۇزەگە اسىرۋ; تومەن كومىرتەكتى دامۋ پرينتسيپتەرىن قولدانا وتىرىپ, جالپى ەكولوگيالىق جاعدايدى جاقسارتۋ ستراتەگياسىن ازىرلەۋ جانە بەكىتۋ ءۇشىن ينتەراكتيۆتى پلاتفورما قۇرۋ; اتموسفەراعا ءتۇرلى كوزدەردەن كومىرقىشقىل گازىن شىعارۋدى ازايتۋ ءۇشىن ەكولوگيالىق, عىلىمي-زەرتتەۋ جانە مونيتورينگ قىزمەتىن جۇزەگە اسىرۋ ءۇشىن الەۋمەتتىك تاپسىرىستى قالىپتاستىرۋ.
قىزىلوردا وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باستىعى ايدار ابدۋاليەۆ قورشاعان ورتانى قورعاۋدىڭ كەشەندى جوسپارىن جۇزەگە اسىرۋ اياسىندا اتقارىلاتىن جۇمىستار تۋرالى باياندادى.
جوسپار سەگىز بلوكتان تۇرادى, ولاردىڭ ارقايسىسىندا ناقتى ءىس-شارالار مەن جاۋاپتى تۇلعالار جانە قارجىلاندىرۋ تۇرلەرى كورسەتىلگەن.
«كەشەندى جوسپاردى ىسكە اسىرۋ ءۇشىن قاجەتتى قاراجات جوبالىق-سمەتالىق قۇجاتتارى مەن تەحنيكالىق-ەكونوميكالىق نەگىزدەمەنىڭ ناتيجەلەرىنە بايلانىستى بولادى», - دەدى ايدار ابدۋاليەۆ.
مىسالى, «ستاتسيونارلىق كوزدەردەن اتموسفەراعا لاستاۋشى زاتتاردىڭ قالدىقتارىن ازايتۋ» ءبىرىنشى بلوگىندا, ايماقتاعى ونەركاسىپتىك وندىرىستەرمەن شاڭ-گازۇستايتىن جابدىقتار مەن قوندىرعىلاردى ۋاقىتىلى جوندەۋ ارقىلى لاستاۋشى زاتتاردان بولىنەتىن قالدىقتاردى بىرتىندەپ ازايتۋعا باعىتتالعان سالالىق ەكولوگيالىق شارالار سالاسىن قامتاماسىز ەتۋ قاراستىرىلعان; اتاپ ايتساق, ستاتسيونارلىق كوزدەردىڭ قالدىقتارىن ازايتۋ جونىندەگى شارالاردى ىسكە اسىرۋ; جەكە ءۇي-جايلاردى, عيماراتتاردى, قۇرىلىستاردى كەزەڭ-كەزەڭمەن گازداندىرۋ.
ەكىنشى بلوك جىلجىمالى كوزدەردەن اۋاعا لاستاۋشى زاتتاردىڭ قالدىقتارىن ازايتۋعا باعىتتالعان, بۇل كولىك قۇرالدارىنىڭ گازبەن جۇرۋگە كوشىرۋ بويىنشا ءىس-شارالار جوسپارىن ازىرلەۋدى جانە پايدالانىلعان گازداردىڭ قالدىقتارىن ەكولوگيالىق ستاندارتتارىن ساقتاۋ ءۇشىن قوعامدىق كولىكتەردى, كوممۋنالدىق جانە جەكە اۆتوكولىكتەرگە تەكسەرۋ جۇرگىزۋدى كوزدەيدى.
ءۇشىنشى بلوك «جاسىل بەلدەۋدى دامىتۋ, كوگالداندىرۋ جانە اباتتاندىرۋ» ماسەلەسىن قامتيدى: سانيتارلىق قورعاۋ ايماعىن جانە ونەركاسىپتىك كاسىپورىندار اۋماعىن كوگالداندىرۋ, سونداي-اق قىزىلوردا قالاسىنىڭ اينالاسىندا جاسىل بەلدەۋ قۇرۋ; ارال اۋدانىنىڭ اقەسپە, شيجاعا, سازدى, قوسامان, سەكسەۋىل اۋىلدىق وكرۋگتەرىندە اعاش وتىرعىزۋ ارقىلى قۇمنىڭ تارالۋىنا قارسى تۇرۋ شارالارى. بۇل باعىتتاعى جۇمىستار 80 ميلليون تەڭگەنى قاجەت ەتەدى.
ءتورتىنشى بلوك ونەركاسىپ جانە ءوندىرىس قالدىقتارىن باسقارۋ, بۇل ونەركاسىپتىك كاسىپورىنداردىڭ قاتتى تۇرمىستىق قالدىقتارىنىڭ قوقىستارىن بولدىرماۋ جونىندەگى شارالارىن, سونداي-اق قاتتى تۇرمىستىق قالدىقتاردى بولەك جيناۋ ءۇشىن ارنايى كونتەينەرلەرمەن جابدىقتاۋ ماسەلەلەرىن شەشۋگە باعىتتالعان.
دوڭگەلەك ۇستەل بارىسىندا قازاقستاننىڭ ەكولوگيالىق ۇيىمدارى قاۋىمداستىعىنىڭ باسقارما ءتورايىمى ايگۇل سولوۆەۆا, ورىنباسارى ەلدوس اباقانوۆ, قىزىلوردا وبلىسىنىڭ ەكولوگيا دەپارتامەنتى باستىعى مارات قۇرمانباەۆ ءسوز سويلەدى.
