قوستاناي قالاسىنداعى Street workout الاڭقايىنىڭ اشىلۋىنا اكىمدىك وكىلدەرى, قالا تۇرعىندارى مەن قوناقتارى قاتىستى. Street workout-تان ەلىمىزدەگى ەڭ مىقتى كوماندا سانالاتىن Bar Bars توبى تۇرعىندار الدىندا ونەر كورسەتىپ, شەبەرلىك ساعاتتارىن وتكىزدى.
ولار جەرگىلىكتى حالىقتى سپورتپەن شۇعىلدانۋعا شاقىرعان بولاتىن. اشىلۋ سالتاناتىنا قاتىسقان قالا تۇرعىندارىنا قازاقستان Street Workout فەدەراتسياسىنىڭ اتىنان سىيلىقتار تاراتىلدى.
سونداي-اق, 8 قىركۇيەك كۇنى پاۆلودار قالاسىندا ارنايى الاڭقايلار اشىلدى. سالتاناتتى ءىس-شارانى ەركىن كۇرەستەن كسرو سپورت شەبەرى, پاۆلودار قالاسىنىڭ قۇرمەتتى ازاماتى ايتماعامبەتوۆ امانگەلدى ساپارعالي ۇلى اشتى.
ول ءوز سوزىندە بۇقارالىق سپورتتى دامىتۋعا ولشەۋسىز ۇلەس قوسقان ەلباسىعا, ەل تۇرعىندارىنا سپورتپەن شۇعىلدانۋعا مۇمكىندىك بەرگەن ۇلتتىق وليمپيادالىق كوميتەت باسشىسىنا العىس ايتتى.
قالا تۇرعىندارى جاڭا الاڭقايلاردىڭ اشىلعانىنا ريزاشىلىعىن بىلدىرسە, جاستار مەن جاسوسپىرىمدەردىڭ قۋانىشىندا شەك بولعان جوق. ايتا كەتەلىك, Street Workout – ەڭ قولجەتىمدى سپورت تۇرلەرىنىڭ ءبىرى. بۇل سپورتپەن اينالىسۋ ءۇشىن الاڭقاي مەن ەرىك-جىگەر عانا قاجەت.
2016 جىلدان بەرى ۇلتتىق وليمپيادالىق كوميتەت تۇرعىندارىنا قازاقستان Street Workout فەدەراتسياسىمەن بىرلەسە وتىرىپ, ەل تۇرعىندارىنىڭ دەنە شىنىقتىرۋ جانە سپورتپەن اينالىسۋىنا مۇمكىندىك بەرەتىن جوبانى جۇزەگە اسىرۋدا. وتكەن جىلى قر ۇوك باسشىسىنىڭ باستاماسىمەن ەلىمىزدە 60-تان اسا الاڭقايلار پايدا بولدى.
ارنايى سپورت الاڭقايى الماتى, اقتاۋ, اقتوبە, جاڭاوزەن, شىمكەنت, قىزىلوردا, تاراز, قاراعاندى, كوكشەتاۋ, سەمەي, وسكەمەن جانە استانا قالالارىندا اشىلدى. ەندى اتالعان تىزىمگە قوستاناي مەن پاۆلودار ەنىپ وتىر.
تيمۋر ق ۇلىباەۆتىڭ قولداۋىمەن قازاقستان بويىنشا 80 سپورت الاڭى اشىلىپ, قازاقستان Street Workout-تى قارقىندى دامىتىپ وتىرعان ۇزدىك ءۇش ەلدىڭ قاتارىنا ەندى.
