شيرەك عاسىر ىشىندە, ءبىزدىڭ ەلدەرىمىز اراسىندا قارقىندى ساياسي ۇنقاتىسۋ مەن تەرەڭ ەكونوميكالىق بايلانىستار ورناپ, ءوزارا ءىس-قيمىل جان-جاقتى ءونىمدى دامىپ كەلەدى. ن.نىعماتۋلين اتاپ وتكەندەي, بۇل ەكى ەل پرەزيدەنتتەرى نۇرسۇلتان نازارباەۆ پەن الەكساندار لۋكاشەنكونىڭ ءوزارا تۇسىنىستىك پەن دوستىق نيەتكە نەگىزدەلگەن بىرلەسكەن ءتيىمدى ەڭبەگىنىڭ ناتيجەسى.
ءماجىلىس توراعاسى بەلارۋس مەملەكەتى قازاقستاننىڭ ماڭىزدى ستراتەگيالىق ارىپتەسى ەكەنىن العا تارتا كەلىپ, اناتولي نيچكاسوۆتىڭ ەكى ەل اراسىنداعى ءىس-قيمىلدى دامىتۋعا ايرىقشا ۇلەس قوسقاندىعىنا توقتالدى. بۇگىندە ءوزارا ىقپالداستىق جانە پارلامەنتارالىق ارىپتەستىك جىل سايىن جاڭا بيىكتەردى باعىندىرىپ كەلەدى.
وتكەن بەس جىل ىشىندە, ەكىجاقتى بايلانىستى تەرەڭدەتۋ جولىندا بارلىق دەڭگەيدە بەلسەندى جۇمىستار اتقارىلعانىن ايتا كەلىپ, پالاتا سپيكەرى ەلەۋلى ەڭبەگى ءۇشىن ەلشىگە العىس ءبىلدىردى.
ءوز كەزەگىندە اناتولي نيچكاسوۆ ءبىزدىڭ ەلدە ەڭبەك ەتكەن جىلدار قىزمەت جولىنداعى ەڭ جەمىستى كەزەڭنىڭ ءبىرى بولعانىن اتاپ ءوتتى.
