«جالپى, بىلتىر دا وسىنداي جاعدايلار تىركەلگەن بولاتىن. مەنىڭ ويىمشا, ماسەلەنى شەشۋگە بولادى. تەك اتا-انالارمەن ءتۇسىندىرۋ جۇمىستارىن جۇرگىزۋ كەرەك. ءبىلىم جانە عىلىم ءمينيسترىنىڭ وقۋشى كيمى ۇلگىسى تۋرالى ەرەجەسى, بۇيرىعى بار. بۇل قالىپتى پروتسەسس. البەتتە, بۇل ماسەلە بويىنشا سۇراقتاردىڭ نەلىكتەن تۋىنداپ جاتقانىن دا تۇسىنەمىن. وسى ورايدا ءدىندار ادامداردىڭ تاراپىنان تۇسىنىستىك بولار دەپ ۇمىتتەمىن.
اتاپ ايتقاندا, وسى ماسەلە بويىنشا قازىرگى تاڭدا بەلسەندى تۇردە ءتۇسىندىرۋ جۇمىسىن قولعا العان قازاقستان مۇسىلماندارى ءدىني باسقارماسى قولداۋ بىلدىرەر دەپ سەنەمىن. ءبىز دە جۇمىس جۇرگىزىپ جاتىرمىز. بىراق, ايتارىم - بۇل جەردە الىپ بارا جاتقان پروبلەما كورىپ تۇرعان جوقپىن. جەكەلەگەن ساتتەر بار, ءبىز ولاردى ەڭسەرەمىز دەپ ويلايمىن», - دەدى قوعامدىق دامۋ ءمينيسترى دارحان كالەتاەۆ.
ايتا كەتەيىك, جاقىندا الەۋمەتتىك جەلىلەردە تۇركىستان وبلىسى ماقتارال اۋدانىندا حيدجاب كيگەن وقۋشىلاردىڭ مەكتەپكە كەلگەنى تۋرالى ۆيدەو تاراعان.
