ەرلان قاريننىڭ ايتۋىنشا: «قازاقستان» تەلەراديوكورپوراتسياسى بۇكىلالەمدىك UFC سپورت ۇيىمىنىڭ جەكپە-جەكتەرىن قازاقستان اۋماعىندا ءبىر جارىم جىل بويى كورسەتۋ قۇقىعىنا يە بولدى.2018 جىلدىڭ قىركۇيەك پەن جەلتوقسان ايلارى ارالىعىندا «Qazaqstan» جانە «Qazsport» تەلەارنالارىندا UFC-ءتىڭ 14 جەكپە-جەگى ەفيرگە شىعادى. سونىڭ ىشىندە, 6 قازان كۇنى لاس-ۆەگاستا وتەتىن يرلانديالىق كونور ماكگرەگور مەن رەسەيلىك حابيب نۋرموگومەدوۆتىڭ اراسىندا وتەتىن UFC229 كەشى دە كورسەتىلەتىن بولادى. ال, 2019 جىلى 40-تان استام ءتۋرنيردىڭ كورسەتىلىمى جوسپارلانىپ وتىر. جەكپە-جەك كەشتەرىنىڭ نەگىزگى كورسەتىلىمىنەن بولەك, قازاقستانداعى بەلگىلى مما ماماندارىنىڭ قاتىسۋىمەن ءتۇرلى ستۋديالىق باعدارلامالار مەن اتاقتى UFC سپورتشىلارى تۋرالى ارنايى حابارلار دايىندالادى. اتالعان كەلىسىم-شارت ەلىمىزدە وسى سپورت ءتۇرىنىڭ دامۋىمەن قاتار, قازاقستاندىق سپورتشىلاردىڭ حالىقارالىق دەڭگەيدە دايىندالۋىنا سەپتىگىن تيگىزەتىن بولادى».
Ultimate Fighting Championship (UFC) - ارالاس جەكپە-جەك سپورتىندا جىلدام دامىپ كەلە جاتقان سپورتتىق ۇيىم. باس كەڭەسى اقش-تىڭ لاس-ۆەگاس قالاسىندا ورنالاسقان. بۇگىندە UFC-ءدىڭ كەز-كەلگەن جەكپە-جەك كەشى الەمنىڭ تۇكپىر-تۇكپىرىنەن جۇزدەگەن تەلەارنالار مەن ميلليونداعان جانكۇيەرلەردى جينايتىن اۋقىمدى شاراعا اينالعان.
«سونداي-اق, ءبىز 16 قىركۇيەك كۇنى بارشا قازاقستاندىقتار اسىعا كۇتىپ جۇرگەن گولوۆكين مەن الۆارەس اراسىنداعى بوكس كەشىن كورسەتەتىن بولامىز. سونىمەن قاتار, 20 قىركۇيەكتەن باستاپ ءبىزدىڭ ارنالارىمىزدا «Qazaqstan FIGHTER» جوباسىنىڭ تۇساۋكەسەرى بولماق. بۇل جوبادا جاس سپورتشىلار «ارالاس جەكپە-جەكتەن قازاقستاننىڭ ەڭ مىقتى سپورتشىسى» اتاعى ۇشىن سىنعا تۇسەتىن بولادى. جوبانىڭ ماقساتى - قازاقستانداعى ارالاس جەكپە-جەك سپورتىن دامىتۋ» ,- دەدى پاۆەل تسىبۋلين.
