«مەكتەپ وقۋشىلارىنا ارنالعان كولىك كارتالارى مەكتەپتەردە دە بەرىلە باستايدى. سوڭعى ەكى كۇندە قاجىمۇقان 14 مەكەنجايىندا ورنالاسقان «استانا LRT» جشس-نىڭ ورتالىق كاسساسىندا ادامدار تولىپ كەتتى. بۇل قاربالاستىڭ سەبەبى - مەكتەپ وقۋشىلارىنا ارنالعان كولىكتىك كارتاعا يە بولۋ. 2018 جىلدىڭ 21 شىلدەسىنەن باستاپ ەرەسەكتەرگە قوعامدىق كولىكتە ءجۇرۋ قۇنى - كارتامەن 90 تەڭگە, ال قولما-قول اقشامەن 180 تەڭگە, بالالار ءۇشىن (7-15 جاس) 40 تەڭگە مەن 90 تەڭگە ارالىعىندا بولىپ بەلگىلەندى.», - دەيدى «استانا لرت» كومپانياسىنىڭ ءباسپاسوز قىزمەتى.
جازعى ۋاقىتتا (2018 جىلدىڭ 1 قىركۇيەگىنە دەيىن) بالالار بيلەتىن تولەۋ امالدارىنىڭ قانداي بولاتىنىنا قاراماستان 40 تەڭگەدە قالدىرۋ تۋرالى شەشىم قابىلدانعان بولاتىن. بۇل ۋاقىت اتا-انالار اتاۋلى كولىكتى كارتالاردى الىپ ۇلگەرۋى ءۇشىن بەرىلگەن بولاتىن.
«سونىمەن بىرگە, مامانداندىرىلعان كاسساعا بۇكىل جاز بويى كولىكتى كارتا الۋعا ەشكىم كەلە قويماعان ەدى. استانا قالاسىنىڭ اكىمى اسەت يسەكەشەۆ بالالارعا ارنالعان بيلەت قۇنى ۋاقىتىن تاعى 15 كۇنگە سوزۋدى تاپسىردى. وسىعان بايلانىستى بالالار مەن اتا-انالارعا ىڭعايلى بولۋ ءۇشىن ورتالىق كاسسادا تولتىرۋعا بولاتىن انكەتا ازىرلەندى. سول جەردە انكەتانى قاجەتتى قۇجاتتارمەن بىرگە قالدىرىپ كەتۋگە بولادى. سول ارقىلى مەكتەپ وقۋشىلارىنا ارنالعان كولىكتىك كارتانى الۋعا جول اشىلادى. كارتانىڭ دايىن بولعانىن سىزدەرگە تەلەفون ارقىلى حابار بەرىلەدى. وسىدان كەيىن ءسىز ەشقانداي كەزەكسىز دايىن كارتانى الىپ كەتە الاسىز», - دەيدى ۇيىم.
«استانا لرت» كومپانياسىنان حابارلانعانداي, مەكتەپ وقۋشىلارىنا ارنالعان كولىك كارتاسىن الۋ ءۇشىن transcard.kz سايتىندا ءوتىنىم قالدىرۋعا بولادى. اتالعان ءوتىنىم دۋبليكات جاساۋعا كەلمەيدى.
