اقىلبەك جامەل ۇلى يحدانوۆ قر وسك مۇشەسى قىزمەتىنە تاعايىندالدى.
اقىلبەك جامەل ۇلى يحدانوۆ الماتى حالىق شارۋاشىلىعى ينستيتۋتىن ەكونوميست ماماندىعى بويىنشا تامامداعان. ءار جىلدارى قر ەڭبەك مينيسترلىگىندە, قر پرەزيدەنتى اكىمشىلىگىنىڭ ۇيىمداستىرۋ-باقىلاۋ بولىمىندە ەڭبەك ەتكەن. قر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىستارى ءبولىمىنىڭ مەملەكەتتىك ينسپەكتورى, قر پرەزيدەنتى اكىمشىلىگىنىڭ مەملەكەتتىك ينسپەكتورى, شىعىس قازاقستان وبلىسى اكىمدىگى اپپاراتىنىڭ جەتەكشىسى بولىپ جۇمىس ىستەدى.
2009 جىلدىڭ ءساۋىر ايىنان باستاپ «نۇر وتان» حالىقتىق-دەموكراتيالىق پارتياسى توراعاسى ءبىرىنشى ورىنباسارىنىڭ كەڭەسشىسى رەتىندە قىزمەت اتقارعان. 2009 جىلدىڭ ماۋسىم ايىنان باستاپ «نۇر وتان» حدپ ورتالىق اپپاراتى پارتيالىق ۇيىمداستىرۋ جۇمىسى دەپارتامەنتىنىڭ ديرەكتورى.
2011 جىلدىڭ تامىز ايىندا قر پارلامەنتى ماجىلىسىندەگى «نۇر وتان» حدپ فراكتسياسى اپپاراتىنىڭ جەتەكشىسى بولدى. 2016 جىلدان باستاپ «نۇر وتان» پارتياسى ورتالىق اپپاراتىنىڭ باسشىسى قىزمەتىنە تاعايىندالدى.
