جوبالار جولداما الدى

ەلورداداعى №54 مەكتەپ-ليتسەيدە استانا قالاسىنىڭ اكىمى يمان­عالي تاسماعامبەتوۆتىڭ قاتىسۋى­مەن «Smart Astana» (اقىلدى قالا) تۇ­جى­رىمداماسى شەڭبەرىندە «بو­لا­شاق مەكتەبى – بۇگىن» جانە «ە –  جەدەل جاردەم» يننوۆاتسيالىق جو­با­لارىنىڭ تۇساۋكەسەرى بولىپ ءوتتى. «بولاشاق مەكتەبى – بۇگىن» جو­باسى مەكتەپتە وقۋ ۇدەرىسىن وڭتاي­لاندىرۋمەن قاتار زامان سۇرانى­سىنا, الەۋمەتتىك-ەكونوميكالىق جاع­دايعا جانە جاھاندانۋ تالاپتارىنا سايكەس ءبىلىم بەرۋدىڭ ساپاسىن ارت­تىرۋ ماقساتىندا قۇرىلىپ وتىر. يننوۆاتسيالىق تەحنولوگيالارعا قا­جەتتىلىكتى انىقتاۋ ماقساتىندا مەكتەپتە زەرتتەۋلەر جۇرگىزۋ, كەڭەستەر دا­يىنداۋ, الەۋمەتتىك جەلى جاساۋ, جە­ڭىلدىكپەن ينتەرنەت جەلىسىنە قو­سىلۋ جوبانىڭ باستى باعىتتارى بو­لىپ تابىلادى. الەۋمەتتىك جەلى ار­قىلى وقۋشى باسىپ شىعارۋعا بو­لا­تىن ەلەكتروندىق كىتاپتاردى پاي­دالا­نىپ, مەكتەپتەگى اپتالىق وقۋ كەستەسىمەن تانىسىپ, حابارلاندىرۋ تاقتاسى ارقىلى مەكتەپتە وتەتىن شارالاردان قۇلاعدار بولىپ, ءار وقۋشى  ءوز پوش­تا­سى ارقىلى مەكتەپتەگى بەينەبايان­دار­دى قاراپ, ءوز پىكىرىن قالدىرا الادى. جۇيە قىز­مەتىندە وقۋشىلاردىڭ مەكتەپ عيماراتىنا كىرۋ-شىعۋ فاكتىسى بويىنشا اتا-انالارعا سمس-حابار­لان­دىرۋ جولداۋدان باستاپ, بولاشاقتا تولەم كارتاسى, جولاقى قۇجاتى رەتىندە پايدالانۋ مۇمكىندىگىنە يە بو­لاتىن وقۋشى كۋالىگىن ەنگىزۋ قاراس­تىرىلعان. مەديتسينالىق كومەك كورسەتۋدىڭ ساپاسىن ارتتىرۋعا باعىتتالعان «ە – جەدەل جاردەم» جوباسى جەدەل جاردەم توپتارىنا اۋرۋحانالارمەن تىكەلەي بايلانىسقا شىعۋعا ءمۇم­كىن­دىك جاساپ, اۋرۋدىڭ بەلگىلەرى بو­يىن­شا ەمدەۋ جولدارىن قاراس­تى­رىپ, قاجەتتى ءدارى-دارمەكتەردى تابا ءبىلۋ سياقتى ءىس-شارالاردى دەر كەزىندە جۇزەگە اسىرا الادى. بۇل جوبا جەدەل جاردەم قىزمەتىنىڭ دەڭگەيىن ارتتىرىپ, وڭتايلاندىرۋعا, تەز شەشىم قابىلداۋعا, سىرقات ادامنىڭ مەكەن-جايىن ىزدەستىرۋ كەزىندە ءجۇر­گىزۋشى تاراپىنان قاتەلىكتى بولد­ىر­ماۋعا, سونداي-اق ۋاقىت ۇنەمدەۋگە مۇمكىندىك بەرەدى. بەرىك سادىر.