پارلامەنت پرەزيدەنتتىڭ بەس الەۋمەتتىك باستاماسىن جانە كەشەندى الەۋمەتتىك-ەكونوميكالىق ءىس-شارالاردى قامتاماسىز ەتۋگە باعىتتالعان اۋقىمدى زاڭ جوبالارى بويىنشا جۇمىستاردى جالعاستىراتىن بولادى. سونىمەن قاتار, ينفراقۇرىلىمدىق جانە يندۋستريالىق باعدارلامالاردى ىسكە اسىرۋعا باعىتتالعان زاڭ جوبالارى دا بار. اقتاۋدا وتكەن كاسپي ماڭى مەملەكەتتەرىنىڭ V سامميتىندە بەس مەملەكەتتىڭ پرەزيدەنتتەرى قول قويعان كاسپي تەڭىزىنىڭ قۇقىقتىق مارتەبەسى تۋرالى كونۆەنتسيا دا راتيفيكاتسيالاناتىن بولادى. جالپى العاندا قازىرگى كەزدە پارلامەنتتە ەلۋدەن استام زاڭ جوباسىمەن جۇمىستار جۇرگىزىلىپ جاتىر. تەك سەناتتىڭ قورجىنىندا 8 زاڭ جوباسى بولسا, ونىڭ ىشىندە ءدىن ماسەلەلەرى, جارناما, ستاندارتتاۋ تۋرالى قۇجاتتار بار.
سەناتتىڭ الداعى وتىرىسى 6 قىركۇيەكتە وتەدى. پالاتا قازاقستان مەن رەسەي ۇكىمەتتەرى اراسىنداعى رەسەي فەدەراتسياسىنىڭ «بايقوڭىر» كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا, بايقوڭىر قالاسىنىڭ, تورەتام جانە اقاي كەنتتەرىنىڭ تۇرعىندارىنا مەديتسينالىق قىزمەت كورسەتۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى; تابىس پەن مۇلiككە قوسارلانعان سالىق سالۋدى بولدىرماۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى قازاقستان مەن وزبەكستان ۇكiمەتتەرiنىڭ اراسىنداعى حاتتامانى راتيفيكاتسيالاۋ تۋرالى زاڭ جوبالارىن قارايدى. وتىرىستا ودان باسقا ەلەكتروندىق جۇيەنى پايدالانۋدى باقىلاۋ جانە جۇمىسىن قامتاماسىز ەتەتىن ادامدار جونىندەگى كوميسسيا قۇرۋ تۋرالى ماسەلە قارالادى.
بيۋرو جۇمىسىن اياقتاي كەلىپ سەنات توراعاسى دەپۋتاتتار جۇمىسىنىڭ ساپاسىن ارتتىرۋعا, سونداي-اق پارلامەنتتىك باقىلاۋدىڭ ءرولىن كۇشەيتۋگە ارىپتەستەرىنىڭ نازارىن اۋداردى. ء«اربىر پارلامەنتتىك تىڭداۋدا قابىلدانعان ۇسىنىستاردىڭ ورىندالۋى كوميتەتتەردىڭ تۇراقتى باقىلاۋىندا بولۋى ءتيىس», - دەپ اتاپ ءوتتى ق.توقاەۆ.
