ءۇمىت وتىن جاققانداي بولدى

مەملەكەت باس­شى­سى نۇر­سۇل­تان نا­زار­باەۆ­تىڭ ماڭعىس­تاۋ­دا وبلىس اك­­تيۆى جي­نالى­سىندا ۇلا­عاتتى ءسوز سويلەپ, جاپپاي ءتارتىپ­سىز­دىكتىڭ سالدارىنان جازىقسىز جاپا شەككەن جاڭاوزەندىكتەرمەن كەزدەسۋى الداعى كۇندەرگە دەگەن ءۇمىت وتىن جاققانداي بولدى. باسبۇزار توپ ءبىراز ادامدى ءابى­گەرگە سالدى. قالاداعى نەگىزگى نىسان­دار­دى قيراتىپ, وت قويىپ, ويراندادى. ءدال سونداي ساتتە ەلباسى جاڭا­وزەن قالاسىندا توتەنشە جاعداي ەنگىزۋگە جارلىق شىعاردى. سونىڭ ناتيجەسىندە ادامداردىڭ قاۋىپ­سىز­دىگى ساق­تال­دى. قاراقشىلىق قىلىقتارعا توسقاۋىل قويىلدى. قۇقىق قورعاۋ ورگاندارى مەن اسكەريلەر جار­لىققا ساي جۇمىس ىستەدى. ساناۋلى كۇندەردە ءبىراز ب ۇلىنگەن نىسان­دار قالپىنا كەلدى. ەلباسى تاپ­سىرماسىمەن قۇرىلعان ۇكىمەتتىك كوميسسيا حالىقپەن قويان-قولتىق جۇمىس جاسادى. نەگىزگى نىساندار, الەۋمەتتىك سالا ورىندارى ءبىرىنشى كەزەكتە نازاردا بولىپ, تۇر­عىندار ازىق-ت ۇلىك تاپشىلىعىنا ۇشىراعان جوق. ال بەيسەنبى كۇنى ەلباسىنىڭ سونداي زارداپ شەگىپ, قينالىپ جات­قان جاڭاوزەن قالاسى حال­قىمەن كەزدەسۋى كوپشىلىكتىڭ كوڭى­لىنەن شىقتى. سونىڭ ايعاعى رەتىندە نۇر­سۇلتان ءابىش ۇلىنا ال­عىس ايت­تى. ونىڭ ەل حالقىنىڭ قامقورى بولىپ امان-ساۋ جۇرۋىنە تىلەكتەستىكتەرىن ءبىلدىردى. ءبىز كور­سەتىلەتىن كومەك, جا­سالۋداعى قامقورلىقتىڭ ەلبا­سى­نىڭ تىكەلەي تاپسىرماسى­مەن جۇزەگە اسۋدا ەكەندىگىن جاقسى بىلەمىز. ونى اسا جوعارى باعا­لاي­مىز. سوندىقتان دا بار­شا­مىز دا كوپ ۇلتتى حالقىمىز دوس­تىقتى تۋ ەتىپ, ەلىمىز تىنىش بولۋى جولىندا كۇش-جىگەرىمىز بەن پاراسات پايى­مىمىزدى جۇم­سايتىن بولامىز. مۇقانجان كامالوۆ, قازاقستان حالقى اسسامبلەياسى  وبلىستىق حاتشىلىعىنىڭ مەڭگەرۋشىسى.    ماڭعىستاۋ وبلىسى.