اسقار اسۋلارعا جەتەلەيدى

11 قاراشادا استانادا قازاقستان رەس­پۋبليكاسىنىڭ پرەزيدەنتى – ۇلت كوش­باس­شىسى نۇرسۇلتان نازارباەۆتىڭ قاتى­سۋى­مەن وتكەن اگروونەركاسىپ كەشەنى قىزمەت­كەر­لەرىنىڭ رەسپۋبليكالىق فو­رۋمىن مەن ءومىرىمنىڭ ەڭ ءبىر جۇلدىزدى شاعىنا بالاي­مىن. ەل تاۋەلسىزدىگىنىڭ 20 جىلدىعىنا وراي ۇيىمداستىرىلعان مارتەبەلى جيىندا ەلباسىمىزدىڭ قو­لى­نان «قازاقستاننىڭ ەڭبەك ەرى» اتا­عىن الۋ زور قۇرمەتىنە يە بولدىم. ەكو­نو­ميكالىق, وندىرىستىك ۇزدىك جەتىستىك­تە­رى­مىزدىڭ باعالانۋى الدىمەن ەلگە, حا­لىققا كورسەتىلگەن ۇلكەن سەنىم دەپ بىلەمىن. از جىلدار ارالىعىندا اگرارلىق سەكتوردىڭ بۇرىن-سوڭدى بولماعان بەلەستەرگە كوتەرىلگەنىن, اۋىلداردى جاڭ­عىر­تۋ باعىتىندا وراسان جۇمىستاردىڭ تىندى­رىل­عانىن مەملەكەت باسشىسى ءار­دايىم ايتىپ كەلەدى. تاۋەلسىزدى­گىمىز­دىڭ ۇلى تويى­نا ارنالعان سالتاناتتى جينالىستا ءسوي­لە­گەن سوزىندە نۇرسۇلتان ءابىش ۇلى جاڭا مەم­لەكەت رەتىندە ىرگە تىككەن قازاقستان­نىڭ قازىرگى جانە ال­داعى باسىمدىقتارىن ايقىنداپ بەردى. سوڭعى ون جىلدا عانا ەكونوميكامىز­دىڭ شاعىن جانە ورتا بيزنەس سۋبەكتىلەرى وندىرگەن ءونىم 20 ەسە ءوسىپ, 7 تريلليون تەڭگەنى قۇراعان. ەگەر 1993 جىلى جان باسىنا شاققانداعى ءىجو 700 دوللار بولسا, بۇگىندە 11 مىڭ دوللاردان اسىپ وتىر. حالىقارالىق ساراپشى­لار­دىڭ «قازاقستان – جەمىستى مەملەكەتتىك جوبا» دەپ جوعارى باعا بەرۋى انشەيىن ايتىلا سالعان ءسوز ەمەس. 2003 جىلى قا­بىلدانعان دامۋدىڭ 2003-2015 جىل­دار­عا ارنالعان يندۋستريالىق-يننوۆاتسيا­لىق دامۋ باع­دارلاماسى ەكونوميكا­مىز­دى وركەندەتۋگە ەرەكشە سەرپىن بەرىپ, ءارتاراپتاندىرۋ با­عىتىنىڭ باستاۋىنا اينالدى. اۋىل شارۋاشىلىعىنىڭ جال­پى ءونىم كولەمى سوڭعى ون جىلدا 4 ەسەگە ۇلعايۋىنىڭ ءوزى-اق كوپ نارسەنى اڭعارتىپ تۇر. مەرەيتويلى جىلى ەگىستىك القاپ­تا­رى­نان 30 ميلليون تونناعا جۋىق استىق جينالدى. مۇنداي رەكوردتىق ءونىم سوڭ­عى جارتى عاسىر ىشىندە بولماعان. ءبىز مۇنداي تابىستارعا ءاوش سالاسى سايا­ساتىنىڭ دۇرىس ۇيلەستىرىلۋى ارقاسىندا جەتىپ وتىرمىز. ەلباسىمىزدىڭ تىكەلەي قولداۋى ناتيجەسىندە اگرارلىق سەكتورعا سوڭعى بەس جىلدا رەسپۋبليكالىق بيۋدجەتتەن 670 ميلليارد تەڭگە ءبولىندى. مەملەكەت دەمەۋىنە ارقا سۇيەگەن فەرمەرلەر بۇگىندە جوعارى ءونىمدى تەحنيكالارمەن جۇمىس ىستەيدى. ىلعال ۇستاۋشى تەحنو­لوگيالاردى كەڭىنەن قولدانادى. مەملەكەتتىك اگرارلىق ساياساتىنىڭ جەمىسىن سولتۇستىكقازاقستاندىق ديقان­دار دا ناقتى سەزىنىپ وتىر. سولتۇستىك قازاقستان وبلىسى – استىقتى ءوڭىر. ەلىمىزدەگى اۋىل­شارۋاشىلىق ونىمدەرىنىڭ 12 پايىزى وسىن­دا وندىرىلەدى. ونىڭ 60 پايىزدان استامى ەگىنشىلىك سالاسى ەسەبىنەن قام­تاما­سىز ەتىلەدى. بيىل گەكتار بەرەكەسى 22,7 تسەنتنەردەن اينالىپ, وتانىمىزدى 9 ميلليون توننا ساپالى استىقپەن قۋانتتىق. ءبىر جىلدىڭ ىشىندە عانا 7 ميلليارد تەڭگە سۋبسيديا ءبولىندى. ءسويتىپ, ماشينا-تراكتور پاركىنىڭ 80 پايىزىن جاڭالاۋعا مۇمكىندىك تۋدى. وڭىردە يندۋستريالاندىرۋ كار­تا­سىنا 30 ميلليارد تەڭگەنىڭ 24 جوباسى ەنگىزىلىپ, 18-ءى ىسكە قوسىلدى. پرەزيدەنتىمىز ءوز سوزىندە مىقتى ەكو­نوميكا مەن كۇشتى مەملەكەت قالىپ­تاس­تىرۋمەن شەكتەلمەيتىنىمىزدى, الداعى ونجىلدىقتار تاريحي سەكىرىس ءداۋىرى بولۋى جونىندە مىندەتتەرى قويدى. وعان جەتۋ جولدارىن اتاپ كورسەتتى. سولار­دىڭ ىشىندە ايرىقشا نازار اۋداراتىنى – قازاقستان­نىڭ يننوۆاتسيالىق دامۋى­نىڭ جول كار­تاسى «ءجۇز يننوۆاتسيا» باعدارلاماسىنىڭ ۇسىنىلۋى. ءبىزدىڭ شارۋاشىلىق عىلىم جەتىستىكتەرى مەن وزىق تەحنولوگيالاردى وندىرىسپەن تى­عىز ۇشتاستىرىپ, تولايىم تابىستارعا جەتۋدىڭ بارلىق جولدارىن ءجىتى قاراس­تىرىپ ­كەلەدى. بيىل 70 مىڭ گا القاپقا ءداندى دا­قىلدار سەپكەن ەدىك. اگروتەح­ني­كا­لىق تا­لاپ­تارعا ساي كۇتىپ-باپتاۋدىڭ ارقا­سىن­دا شىعىمدىلىق 30 تسەنتنەردەن اسىپ ءتۇستى. بۇگىندە ەتتى مال شارۋا­شى­لى­عىن دا­مى­تۋعا, ونىڭ ەكسپورتتىق الەۋە­تىن ارت­تىرۋعا ايرىقشا ءمان بەرىپ وتىرمىز. اسىل تۇ­قىمدى مال شارۋاشىلىعى مارتەبەسىن يەلەنە وتىرىپ, ءسۇتتى جانە ەتتى ءىرى قارا مالىن 4 مىڭ باسقا جەتكىزدىك. جەرگىلىكتى قازاقتىڭ اقباس جانە قارا الا سيىر­لارىمەن قوسا كانادادان گولشتينگ اسىل تۇقىمدى مالدارى اكەلىنىپ, ەكى مىڭ باسقا شاقتالعان ءسۇت فەرمالارىن ىسكە قوستىق. بۇگىندە ءار سيىردان الىناتىن ءونىم مولشەرى 8 مىڭ ءليتردى قۇرايدى. جۋىردا شەت ەلدەن تاعى دا بەس ءجۇز باس ءسۇتتى سيىرلار جەتكىزىلدى. ىشكى مۇمكىندىكتەردى ءتيىمدى پايدالانا بىلسەك, الداعى جىلدارى مال باسىن 6 مىڭعا جەتكىزبەك ويىمىز بار. ەلباسىنىڭ ماڭعىستاۋ وبلىسى اكتيۆىندە سويلەگەن ءسوزى دە ءاربىر قازاقستان­دىق­قا ۇلكەن وي سالىپ, تاۋەل­سىزدىگىمىزدى تۇعىر­لى ەتۋ جولىن­دا­عى ابى­رويلى بەلەستەرگە جەتۋدە بىرلىك پەن تاتۋلىقتى بەرىك ۇستانۋ قاجەتتىگىن تاعى ءبىر  ەسكە سالادى. رۋسلان  مولدابەكوۆ, قازاقستاننىڭ ەڭبەك ەرى,  «تايىنشا-استىق» جشس-ءنىڭ باس ديرەكتورى. سولتۇستىك قازاقستان وبلىسى, تايىنشا اۋدانى.