ءبىلىم جانە عىلىم مينيسترلىگىنىڭ باستاماسىمەن بيىل ون ءبىرىنشى مارتە ۇيىمداستىرىلعان «مەكتەپكە جول» قايىرىمدىلىق اكتسياسى «مەنىڭ تاڭداۋىم – بالالارعا كومەك كورسەتۋ!» ۇرانىمەن وتۋدە. باتىس قازاقستان وبلىسىنىڭ اقسۋات اۋىلىنداعى اقسۋات جالپى ورتا ءبىلىم بەرەتىن مەكتەبىندە جەرگىلىكتى كومپانيا – اقسۋات اۋىلدىق وكرۋگىنە قاراستى ماگيسترالدى اۋىلىنداعى «وRALMUNAI» بيىل دا قوماقتى كومەك كورسەتتى. سەرىكتەستىكتىڭ باس ديرەكتورى عالىمجان ەرعاليەۆ مەكتەبىمىزدەگى از قامتىلعان 16 وقۋشىعا جالپى قۇنى 175500 تەڭگە بولاتىن «Mimioriki» وتاندىق تىگىن فابريكاسىنىڭ مەكتەپ فورماسىن تابىستادى.
– ارينە اۋىلداعى از قامتىلعان وتباسىلار ءۇشىن بۇل ۇلكەن كومەك. «ساۋاپتىڭ ەڭ ۇلكەنى – ءبىلىم جولىنداعى شاكىرتكە كومەكتەسۋ» دەگەن. «Oralmunai» كومپانياسىنىڭ باسشىلىعىنا اكتسياعا قاتىسىپ, دەمەۋشىلىك كورسەتكەنى ءۇشىن شىن جۇرەكتەن العىس ايتامىز, – دەيدى اقسۋات اۋىلدىق وكرۋگىنىڭ اكىمى م.ەنگەلوۆ.
بالالارى سوڭعى ۇلگىدە تىگىلگەن سۋ جاڭا مەكتەپ فورماسىن يەلەنگەن اتا-انالار دا دەمەۋشىلەرگە العىس جاۋدىرىپ جاتىر. شاكىرتتەرىمىزدىڭ جۇزىندەگى شىنايى شاتتىقتى كورىپ, وسىنداي قۋانىشقا بولەگەن كاسىپكەر عالىمجان ەرعاليەۆكە, اۋىل باسشىسى ماكسيم ەنگەلوۆكە, باسقا دا جاناشىرلارعا مەكتەپ ۇجىمى اتىنان ريزاشىلىق بىلدىرەمىز.
گۇلدانا مالاەۆا,
اقسۋات جالپى ورتا ءبىلىم بەرەتىن مەكتەپ ديرەكتورىنىڭ تاربيە ءىسى جونىندەگى ورىنباسارى
باتىس قازاقستان وبلىسى,
تەرەكتى اۋدانى
