ايماقتار • 23 تامىز، 2018

سەنات ءتوراعاسىنىڭ ورىنباسارى جامبىل وبلىسىندا بولدى

322 رەتكورسەتىلدى

بۇگىندە پارلامەنتتىڭ قوس پالاتاسىنىڭ دەپۋتاتتارى ەلىمىزدىڭ بارلىق ايماقتارىن ارالاپ، تۇرعىندارمەن كەزدەسۋدە. سونىمەن قاتار، ولار مەملەكەتتىك باعدارلامالاردىڭ وڭىرلەردەگى ورىندالۋ بارىسىن قاداعالاپ، ءتۇرلى شارۋاشىلىقتاردىڭ تىنىس-تىرشىلىگىمەن تانىسۋدا.

پارلامەنت سەناتى ءتوراعاسىنىڭ ورىنباسارى بەكتاس بەكنازاروۆ پەن سەنات دەپۋتاتى ابدالى نۇراليەۆ جامبىل وبلىسىنا جۇمىس ساپارىمەن كەلىپ، اۋەلى وبلىستىق ىشكى ىستەر دەپارتامەنتىنىڭ قىزمەتكەرلەرىمەن كەزدەستى. جينالعان كوپشىلىكتى قاسيەتتى قۇربان ايت مەرەكەسىمەن قۇتتىقتاعان بەكتاس ءابدىحانۇلى ەلىمىزدە ءاردايىم تىنىشتىق پەن بەيبىتشىلىك بولۋىن تىلەدى. سونىمەن قاتار، حالىق قالاۋلىسى پارلامەنت سەناتى مەن ءوز مىندەتتەرىن تانىستىردى. ءوز سوزىندە سەنات ءتوراعاسىنىڭ ورىنباسارى بىلتىر دا، بيىل دا 9 زاڭ جوباسى پارلامەنت ماجىلىسىنە كەرى قايتارىلىپ، 84 زاڭنىڭ قابىلدانعانىن ايتا كەلىپ، سەناتتىڭ 1 قىركۇيەك پەن 30 ماۋسىم ارالىعىندا اتقارعان جۇمىستارىندا قارالعان نەگىزگى زاڭدارعا توقتالدى. كەزدەسۋ نەگىزىنەن قۇقىق قورعاۋ سالاسىنا قاتىستى بولعاندىقتان، بۇگىندە ەڭ باستى تالاپ قوعامدىق ءتارتىپ ەكەنى باسا ايتىلدى.

 ؛&ndash؛ ەگەمەن ەلىمىز وتكەن عاسىردىڭ سوڭىنا قاراي، ياعني 1997-1999 جىلدارى باس بوستاندىعىنا جازا تاعايىندايتىن الەمدەگى 5 مەملەكەتتىڭ ىشىندە ءتورتىنشى ورىندا تۇراتىن. جاساعان قىلمىسى ءۇشىن تۇرمەگە وتىرعىزۋ، باس بوستاندىعىنان ايىرۋ ءاربىر 100 مىڭ ادامعا شاققاندا 70-80 پايىزعا جەتەتىن. سول كەزدىڭ كودەكسىنە قاراي، تالاپ تا سولاي بولدى. ءتىپتى ءولىم جازاسى دا تاعايىندالاتىن. 2005 جىلدان باستاپ وسى ماسەلە زەردەلەنە باستادى. ارنايى جۇمىستاردىڭ جۇرگىزىلۋى ناتيجەسىندە باس بوستاندىعىنان ايىرۋ جازاسىنىڭ كورسەتكىشى ءقازىر 24 پايىزدى قۇراپ وتىر، &ndash؛ دەدى بەكتاس بەكنازاروۆ. جيىن بارىسىندا حالىق قالاۋلىسى دەپارتامەنت قىزمەتكەرلەرى تاراپىنان قولدانىستاعى زاڭعا قاتىستى ايتىلعان ۇسىنىستاردى تىڭدادى.

جامبىل وڭىرىنە ساپارى بارىسىندا سەناتورلار تاراز قالاسىنداعى قۇقىق قورعاۋ قىزمەتى ورتالىعىنىڭ جۇمىسىن كوردى. اتالعان ورتالىق باسشىسىنىڭ ورىنباسارى جاسۇلان كەمەلبەكوۆ سەناتورلاردى بەينەبايلانىس ارقىلى شاعىم بەرۋ، قورعاۋشى، بىتىمگەر، ادىلەت دەپارتامەنتىنىڭ مامانى مەن پروكۋروردىڭ ءتيىستى بولمەلەرىمەن تانىستىردى. سونىمەن قاتار، مۇنداعىلاردىڭ باستى ۇستانىمى ەلباسى ايتقانداي، «؛ادامداردى قابىلداپ، تىڭداۋ كەرەك. ولاردىڭ تالاپ-تىلەكتەرى ۇساق بولسا دا، شەشىلۋى ءتيىس»؛ ەكەنىن ايتتى.

&ndash؛ ءقازىر سەنات دەپۋتاتتارى بارلىق وڭىردە ءجۇر. ولار وبلىستاردا ەستىگەن، كورگەن ماسەلەلەرىن ارى قاراي دەپۋتاتتىق ساۋالدار ارقىلى نەمەسە دوڭگەلەك ۇستەلدەردە، ۇلكەن جينالىستاردا كوتەرىپ، زاڭنامانى ۋاقىت تالابىنا سايكەستەندىرۋگە اتسالىسادى. قىركۇيەك ايىنىڭ باسىندا پارلامەنت كەزەكتى سەسسياسىن جالعاستىرادى. سوندا وسى ايتىلعان ماسەلەلەردىڭ بارلىعى ورتاعا سالىناتىن بولادى، &ndash؛ دەگەن بەكتاس بەكنازاروۆ ءبىرقاتار ماسەلەلەرگە توقتالدى. ەلباسىنىڭ «؛پرەزيدەنتتىڭ بەس الەۋمەتتىك باستاماسى»؛ اتتى حالىققا ۇندەۋىندە «؛7-20-25»؛ باعدارلاماسى ارقىلى تۇرعىن ۇيمەن قامتۋ، ستۋدەنتتەر ءۇشىن مەملەكەتتىك گرانتتاردى كوبەيتۋ، جاستاردىڭ جاتاقحانا ماسەلەسىن شەشۋ، وقۋ ورنى تاراپىنان ءبىلىم الۋشىلارعا جاسالاتىن جاعدايدى جاقسارتۋ مەن ەلدىمەكەندەردى گازداندىرۋ ماسەلەلەرى قامتىلعانىن جەتكىزدى. سونىمەن قاتار، سەنات ءتوراعاسىنىڭ ورىنباسارى جامبىل وبلىسى حالقىنىڭ جارتىسىنان كوبىنە ءالى كوگىلدىر وتىن جەتپەگەنىن، وسى گاز ماسەلەسى 2022 جىلعا دەيىن شەشىلۋى كەرەكتىگىن ايتتى.

 ؛&ndash؛ ماسەلەن، قىزىلوردا وبلىسىنىڭ تەرەڭوزەك اۋدانىنان گاز تارتىلىپ،  ؛جەزقازعان، قاراعاندى، تەمىرتاۋ، استانا جانە پەتروپاۆل قالالارىنا دەيىن جەتكىزىلۋ كوزدەلۋدە. ال تەرەڭوزەك جامبىلدان قاشىق ەمەس. بۇگىندە ەلىمىزدىڭ باتىس ءوڭىرىنىڭ كوپتەگەن ەلدىمەكەنىنە گاز تارتىلىپ بىتۋدە. سوندىقتان كورشى جاتقان وبلىس ارقىلى اتالعان ماسەلەنى ابدەن شەشۋگە بولادى، &ndash؛ دەپ، تالقىلاناتىن جايتتارعا نازار اۋداردى.

 ؛سەناتورلاردىڭ جامبىل وڭىرىندەگى جۇمىس ساپارى تاراز قالاسىنىڭ كاسىپكەرلەرگە قىزمەت كورسەتۋ ورتالىعىنىڭ جۇمىسىمەن تانىسۋمەن جالعاستى. بۇدان كەيىن حالىق قالاۋلىلارى بايزاق اۋدانى، بۋرىل اۋىلدىق وكرۋگىندەگى «؛ياشار»؛ شارۋا قوجالىعىنىڭ ەگىن القاپتارىنىڭ جۇمىسىمەن، كوكتال اۋىلىنداعى «؛دۋلات»؛ شارۋا قوجالىعىنىڭ جۇمىسىمەن جانە وسى اۋدانداعى ءبىرقاتار نىسانداردىڭ جۇمىسىمەن تانىستى.

 ؛سەنات ءتوراعاسىنىڭ ورىنباسارى بەكتاس بەكنازاروۆ پەن سەنات دەپۋتاتى ابدالى نۇراليەۆ جامبىل وبلىسىنا جۇمىس ساپارى بارىسىندا وبلىس اكىمى اسقار مىرزاحمەتوۆپەن كەزدەستى. شاعىن قۇرامداعى باسقوسۋدا ءبىرقاتار وزەكتى ماسەلەلەر ايتىلىپ، ولاردىڭ شەشۋ جولدارى قاراستىرىلدى. ءوز سوزىندە بەكتاس بەكنازاروۆ بۇگىندە جامبىل وڭىرىندە ايتارلىقتاي جۇمىستار اتقارىلىپ جاتقانىنا توقتالدى. بۇل تۇرعىدا اسقار مىرزاحمەتوۆ سەناتورلارعا وبلىس ءۇشىن ماڭىزدى ماسەلەلەردى ايتتى. بۇگىندە تاراز قالاسىنان شىعاتىن قالدىق سۋلاردى ارنايى سۇزگىدەن وتكىزەتىن ورىن جوق. تازالانباعان قالدىق سۋ جەراستى سۋىمەن قوسىلىپ كەتەتىندىكتەن، سونىڭ سالدارىنان كەلەشەكتە كورشى جامبىل اۋدانىنىڭ تۇرعىندارى اۋىزسۋدىڭ ازابىن تارتۋى مۇمكىن ەكەنى ايتىلدى. ال بۇل ماسەلە ەلىمىزدىڭ وزگە وڭىرلەرىندە شەشىلگەن. سونىمەن قاتار، قازىرگى كەزدە ەلدىمەكەندەردى گازداندىرۋ مەن اۋىسزۋ ماسەلەسى ءوڭىر تۇرعىندارى ءۇشىن وزەكتى بولىپ تۇر.

ويتكەنى، وڭىردەگى ەلۋ پايىز ەلدىمەكەندە اۋىز سۋ جوق. وبلىس اكىمىنىڭ كوتەرىپ وتىرعان ماڭىزدى ماسەلەلەرى سەنات ءتوراعاسى ورىنباسارىنىڭ تاراپىنان قولداۋ تاپتى. جيىن سوڭىندا وتكەن التى ايدا جامبىل وبلىسىندا اۋىلشارۋاشىلىعى، ونەركاسىپ پەن كاسىپكەرلىك سالاسىن دامىتۋدىڭ جول كارتاسى ازىرلەنگەندىگى، ءبىرقاتار ماسەلەلەردى شەشۋ ءۇشىن ونىڭ ارنايى تەتىگى قاراستىرىلعاندىعى جونىندە ايتىلدى. بۇدان كەيىن سەناتورلاردىڭ جامبىل وبلىسىنا جۇمىس ساپارى جامبىل جانە جۋالى اۋداندارىندا جالعاسىن تاپتى. حالىق قالاۋلىلارى اۋداندارداعى ءبىرقاتار الەۋمەتتىك-كاسىپكەرلىك نىسانداردىڭ جۇمىستارىمەن تانىستى.  ؛

حاميت ەسامان،

«؛ەگەمەن قازاقستان»؛  ؛ ؛ ؛ ؛ ؛ ؛

جامبىل وبلىسى ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛ ؛

باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار