ابايدىڭ تۋعان كۇنىن وسى ۋاقىتقا دەيىن ءارتۇرلى اتاپ كەلەمىز. ءبىرى م. اۋەزوۆتىڭ 10 تامىز دەگەنىنە, ءبىرى قايىم مۇحامەدحانوۆتىڭ 23 تامىز دەگەنىنە قۇلاق اسادى. ابايدىڭ تۋعان كۇنى تۋرالى جالعىز دەرەك – ءارحام كاكىتاي ۇلىنىڭ ەستەلىگى. اباي تۋعان ءوڭىر مەن استانا جۇرتشىلىعى 23 تامىزدى تۇراقتى اباي تۋعان كۇنى دەپ كەلەدى. ءارحام ەستەلىگىندە: «1845 جىلى قالىپتى ادەت بويىنشا قۇنانباي اۋىلى قاسقابۇلاققا كەلىپ قونعاننان كەيىن ەسكىشە 10 اۆگۋست كۇنى قۇنانبايدىڭ ەكىنشى ايەلى ۇلجان تولعاتىپ, ءبىر ۇل دۇنيەگە كەلەدى» دەپ جازادى. «ەسكى ستيل» – كەڭەس ۇكىمەتى ورناعانعا دەيىن قولدانىستا بولعان يۋليان كۇنتىزبەسى. كەڭەستىك حالىق كوميسسارلارى كەڭەسى 1918 جىلى 26 قاڭتاردا دەكرەت قابىلداپ, ەلدى كالەندارلىق جۇيەسىن گريگوريان كۇنتىزبەسىنە كوشىرۋگە ۇكىم ەتىپتى. قاۋلى بويىنشا سول جىلدىڭ 1 اقپانى بىردەن 13 اقپان بولىپ بەلگىلەنگەن.
گريگوريان كۇنتىزبەسىنە سايكەس ابايدىڭ تۋعان كۇنى – 23 تامىز.
