قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2016- 2019 جىلدارعا ارنالعان مەملەكەتتىك باعدارلاماسىنىڭ ىسكە اسىرىلۋ (2018 جىلعى 6 ايدىڭ قورىتىندىسى) بارىسى تۋرالى - يندۋستريالىق-يننوۆاتسيالىق دامۋ باسقارماسىنىڭ م.ا. ت.ەدىگەەۆ باياندادى.
مەملەكەتتىك يندۋستريالىق-يننوۆاتسيالىق دامۋ باعدارلاماسىنىڭ كورسەتكىشتەرىنىڭ ديناميكاسى: وڭدەۋ ونەركاسىبىنىڭ ەكسپورتى – 114, 4%-عا, وڭدەۋ ونەركاسىبىندەگى ەڭبەك ونىمدىلىگى – 142,2% - عا, نەگىزگى كاپيتالعا سالىنعان ينۆەستيتسيالار كولەمى – 106,0% ورىندالسا, وڭدەۋ ونەركاسىبىندەگى ءوندىرىس كولەمى – 112,0% ورىندالدى. 2018 جىلعى قاڭتار-ماۋسىم ايلارىنداعى وڭدەۋ ونەركاسىبىندە نەگىزگى كاپيتالعا سالىنعان ينۆەستيتسيالار كولەمى 3,8 ملرد.تەڭگەنى قۇراسا, ءوندىرىس كولەمى سايكەسىنشە الدىڭعى جىلمەن سالىستىرعاندا 12,0% ءوسىپ (يفو- 112,0%) 118,7 ملرد. تەڭگەنى قۇرادى. 2017 جىلدىڭ قانتار-جەلتوقسان ايىندا وڭدەۋ ونەركاسىبىندە جۇمىسپەن قامتىلعاندار سانى 16,8 مىڭ ادام.
-كاسىپكەرلىكتى قولداۋ قارتاسى اياسىندا ءۇش جىلدا جالپى قۇنى 152,7 ملرد. تەڭگە قۇرايتىن 9 جوبا پايدالانۋعا بەرىلىپ, 944 جاڭا جۇمىس ورنى اشىلدى. كارتا اياسىندا 2018 جىلى جالپى سوماسى 11,5 ملرد. تەڭگەنى قۇرايتىن 4 جوبا ىسكە اسىرۋ جانە 223 جۇمىس ورنى اشىلۋى جوسپارلانعان. بيىلعى جىلدىڭ مامىر ايىندا «بەست-گرۋپ» جشس كۇن ەلەكروستانتسياسى جوباسى ىسكە اسىرىلعان, دەدى تىلەگەن ەدىگەەۆ.
«جىلىتۋ ماۋسىمىنا دايىندىق بارىسى تۋرالى» - وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى س.امانبەكوۆ بايانداپ ءوتتى. بۇگىنگى كۇنگە دەيىن ءتورت ارنايى شتاب وتىرىسى وتكىزىلىپ, وبلىستىڭ نەگىزگى كاسىپورىندارىنىڭ جىلىتۋ ماۋسىمىنا وتە جاقسى دەڭگەيدە ءجۇرىپ جاتقانىن مالىمدەدى.
-«ماەك - قازاتومونەركاسىپ» جشس بويىنشا نەگىزگى قوندىرعىلاردىڭ دايىندىعى 85% قۇرايدى, «مەبك» اق بويىنشا دايىندىعى 90% قۇرايدى. سونداي-اق, الەۋمەتتىك سالالار بويىنشا دايىندىق جۇمىستارى تومەندەگىدەي: 388 ءبىلىم بەرۋ نىساندارىنىڭ 369 دايىن (95%), 102 دەنساۋلىك نىساندارىنان – 91 دايىن (89%), 140 الەۋمەتتىك نىسانداردىڭ –122 دايىن (87%), تۇرعىن ءۇي بويىنشا – 1541 كوپقاباتتى ءۇيدىڭ 1356 دايىن (88%), (سۋمەن سىناۋ جانە جۋ جۇمىستارى), قالعان ۇيلەر اعىمداعى جىلدىڭ 1 قىركۇيەگىنە دەيىن دايىن بولادى, دەدى ساپار امانبەكوۆ.
جاڭا 2018-2019 وقۋ جىلىنا دايىندىق تۋرالى - ءبىلىم باسقارماسى باسشىسىنىڭ م. ا. ن.قويجانوۆ باياندادى. وبلىستا 271 مەكتەپكە دەيىنگى ۇيىم, 143 مەكتەپ, تجكب 27 ۇيىمى, قوسىمشا ءبىلىم بەرۋ ۇيىمدارى 15 جۇمىس ىستەيدى. 1 قىركۇيەكتە 134 129 وقۋشى مەكتەپكە بارادى, ونىڭ ىشىندە ءبىرىنشى سىنىپ وقۋشىلارىنىڭ كونتينگەنتى 16600 وقۋشىنى قۇرايدى. جاڭا وقۋ جىلىنىڭ باسىندا كۇتىلەتىن جەلى سانى – 143 مەملەكەتتىك جانە 5 جەكەمەنشىك مەكتەپ. بيىل وبلىستا – 9 مەكتەپ اشىلدى. وقۋلىقتار مەن وقۋ-ادىستەمەلىك كەشەندەرىن ساتىپ الۋعا جەرگىلىكتى بيۋدجەتتەن 1 ملرد. 546 ملن. 512 مىڭ قارجى بولىنگەن.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
