ازيا ويىندارىنىڭ اشىلۋ سالتاناتى بۇگىن استانا ۋاقىتى ساعات 18:00-دە باستالادى. رەسمي شارادا قازاقستان قۇراماسىنىڭ بايراعىن 21 جاستاعى بوكسشى ءابىلحان امانقۇل كوتەرىپ شىعادى.
بايراقتى باسەكەگە سارى قۇرلىقتىڭ 45 ەلىنەن ەڭ ۇزدىك دەگەن 9700-دەن استام ساڭلاق سپورتتىڭ 42 ءتۇرى بويىنشا سىنعا تۇسەدى. ازيا قۇرلىعىنىڭ وليمپياداسى سانالاتىن جازعى ازيا ويىندارى 1951 جىلدان بەرى تۇراقتى تۇردە ۇيىمداستىرىلىپ كەلەدى. قازاقستان قۇراماسىنىڭ سپورتشىلارى بۇل دوداعا 1993 جىلدان باستاپ قاتىسا باستادى. بۇل جولى قازاقستاندىق اتلەتتەر سپورتتىڭ 38 تۇرىنەن جارىس جولىنا شىعادى.
