«بايتەرەك» ۇبح» اق-نىڭ ەنشىلەس ۇيىمى «قازاقستان يپوتەكالىق كومپانياسى» يۇ» اق سالاداعى نەگىزگى وپەراتور رەتىندە ىسكە اسقان جۇمىستار بارىسىنان حابار ەتىپ, 35 مىڭ قازاقستاندىقتىڭ باسپانامەن قامتاماسىز ەتىلگەندىگىن اتاپ ءوتتى. «قازاقستان يپوتەكالىق كومپانياسى» يۇ» اق باسقارما توراعاسىنىڭ ورىنباسارى ا.اكچۋريننىڭ, «قازاقستان يپوتەكالىق كومپانياسى» يۇ» اق باسقارۋشى ديرەكتورى ە.سىزدىقوۆتىڭ مالىمدەۋىنشە, «نۇرلى جەر» باعدارلاماسى اياسىندا («قولجەتىمدى باسپانا - 2020», وڭىرلەردى دامىتۋدىڭ 2020 جىلعا دەيىنگى باعدارلاماسى جانە «نۇرلى جول» مەملەكەتتىك ينفراقۇرىلىمدىق دامىتۋ باعدارلاماسى – «نۇرلى جەر» باعدارلاماسىنا بىرىكتىرىلدى) تاڭدا ساتىپ الۋ مۇمكىندىگىمەن جالعا بەرىلەتىن تۇرعىن ءۇيدىڭ 1 ميلليوننان استام شارشى مەترىن پايدالانۋعا بەرىلگەن (جوسپار بويىنشا 2018 جىلدىڭ سوڭىنا دەيىن 972 مىڭ ش.م.). قيك بۇگىندە رەسپۋبليكانىڭ قۇرىلىس سالاسىن دامىتۋدىڭ درايۆەرىنە اينالعان. قۇرىلىس, ينجەنەرلىك جانە ارلەۋ جۇمىستارى كەزىندە وتاندىق وندىرۋشىلەر ونىمدەرى پايدالانىلىپ, 30 مىڭنان استام جاڭا جۇمىس ورىندارى قۇرىلعان.
«ساتىپ الۋ قۇقىعىمەن جالعا بەرىلەتىن تۇرعىن ءۇي» باعدارلاماسى كوپ بالالى جانە تولىق ەمەس وتباسىلارعا, مۇگەدەك بالالارى بار وتباسىلارعا جانە جەتىم بالالاردى, اتا-اناسىنىڭ قامقورلىعىنسىز قالعان بالالاردى تاربيەلەپ وتىرعان وتباسىلارعا, ورالماندارعا, 1-ءشى جانە 2-ءشى توپتارداعى مۇگەدەكتەرگە, سونداي-اق مەملەكەتتىك قىزمەتكەرلەرگە, اسكەري قىزمەتكەرلەرگە, ارنايى مەملەكەتتىك ورگانداردىڭ قىزمەتكەرلەرىنە, بيۋدجەتتىك ۇيىمداردىڭ جۇمىسكەرلەرىنە ارنالادى.
باعدارلامانى ىسكە اسىرۋ جىلدارىندا جەرگىلىكتى اتقارۋشى ورگاندارمەن تىعىز ىنتىماقتاستىقتا قازاقستان بويىنشا 17 مىڭنان استام كەزەكتە تۇرعان ادامدار تۇرعىن ۇيمەن قامتاماسىز ەتىلگەن. بۇل كورسەتكىش وتباسى مۇشەلەرىن قوسا العاندا 50 مىڭنان استام ادام باسپانالى بولعان. كومپانيانىڭ وندىرىستىك جوسپارلارىنا سايكەس جىل سوڭىنا دەيىن قوستاناي, قاراعاندى, وسكەمەن جانە ورال قالالارىندا 41 مىڭ شارشى مەتردەن استام تۇرعىن ءۇي (703 پاتەر) پايدالانۋعا بەرىلەدى.
باعدارلاما باستاپقى جارنانى تالاپ ەتپەيدى, ساتىپ الۋ قۇقىعىمەن جالداۋ مەرزىمى 20 جىلعا دەيىن. جالداۋ مەرزىمى وتكەننەن كەيىن تۇرعىن ءۇي جالعا الۋشىنىڭ مەنشىگىنە وتەدى. مەرزىمىنەن بۇرىن ساتىپ الۋ مۇمكىندىگى دە قاراستىرىلعان. 1 شارشى مەتردى جالداۋ قۇنى استانا جانە الماتى قالالارىندا 1120 تەڭگە بولسا, وڭىرلەردە 924 تەڭگەنى قۇرادى.
«نۇرلى جەر» مەملەكەتتىك تۇرعىن ءۇي قۇرىلىسى باعدارلاماسى اياسىندا «ساتىپ الۋ قۇقىعى مەن جالعا بەرىلەتىن تۇرعىن ءۇي» باعىتى 2018 جىلى ىسكە اسىرۋ اياقتالادى.
ەلۆيرا سەرىكقىزى,
«ەگەمەن قازاقستان»
الماتى
