– سىزدەردىڭ ينۆەستيتسيالارىڭىز قايتا وڭدەۋ ىسىنە العاش رەت تارتىلىپ وتىر. بۇل قازاقستاننىڭ اگرارلىق كەشەنىنە قوسىلعان ماڭىزدى ۇلەس بولىپ سانالادى. مۇندا وندىرىلگەن بۇكىل ءونىم سىرتقى نارىققا شىعارىلىپ, ەلىمىزدىڭ ەكسپورت كولەمىن ۇلعايتۋعا, جاڭا جۇمىس ورىندارىن اشۋعا جانە تابىس تابۋعا سەپتىگىن تيگىزەدى. وسىنىڭ ءبارى وتە ماڭىزدى, – دەدى قازاقستان پرەزيدەنتى.
كاسىپورىندى ارالاپ كورگەننەن كەيىن وبلىس اكىمى قۇمار اقساقالوۆ سولتۇستىك قازاقستان ولكەسىنىڭ بيىلعى ءبىرىنشى جارتىجىلدىقتاعى الەۋمەتتىك-ەكونوميكالىق دامۋ قورىتىندىلارى جونىندە باياندادى.
نۇرسۇلتان نازارباەۆ سولتۇستىك قازاقستان وبلىسىنىڭ ەلىمىزدەگى توپىراعى ەڭ قۇنارلى ءارى اۋىل شارۋاشىلىعىنا قولايلى ەكەنىنە جانە اگرارلىق سالاعا ءداستۇرلى تۇردە ماماندانعانىنا توقتالىپ, قازاقستان استىعىنىڭ تورتتەن ءبىرى وسى ولكەگە تيەسىلى دەپ اتاپ كورسەتتى.
سونىمەن قاتار, وبلىس اكىمى قازاقستان-رەسەي XV وڭىرارالىق فورۋمىن وتكىزۋگە دايىندىق بارىسى جونىندە مالىمدەدى.
سوڭىندا, قازاقستان پرەزيدەنتى اۋىل شارۋاشىلىعىنا عىلىمي جەتىستىكتەر مەن تسيفرلاندىرۋدى ەنگىزۋ, شەكارالاس وڭىرلەرمەن ىنتىماقتاستىقتى جانداندىرۋ, ونەركاسىپ ءوندىرىسى مەن تۋريزم سالاسىن ودان ءارى دامىتۋ, سونداي-اق ءوڭىردىڭ ينۆەستيتسيالىق جانە ىسكەرلىك تارتىمدىلىعىن ارتتىرۋ ارقىلى ايماقتىڭ اگرارلىق الەۋەتىن كەڭەيتۋ جونىندە بىرقاتار تاپسىرما بەردى.
– بەس الەۋمەتتىك باستاما وسى ماسەلەلەردى شەشۋگە سەپتىگىن تيگىزۋ قاجەت. ونىڭ جەرگىلىكتى دەڭگەيدە ساپالى جۇزەگە اسىرىلۋىن قامتاماسىز ەتۋ كەرەك, – دەدى نۇرسۇلتان نازارباەۆ.
***
«تايىنشا ماي» جشس-ءى وڭىردەگى اۋىل شارۋاشىلىعى كلاستەرىندەگى ەڭ ءىرى كاسىپورىنداردىڭ ءبىرى بولىپ سانالادى. زاۋىت ەۋروپادا شىعارىلعان زاماناۋي قۇرال-جابدىقتارمەن جابدىقتالعان جانە تاۋلىگىنە 1000 توننا شيكىزات وندىرۋگە مۇمكىندىگى بار. كاسىپورىندا 46 ادام جۇمىس ىستەيدى.
