تاتۋلىعىمىز تۇراقتى, بىرلىگىمىز بەرىك

ەل تاۋەلسىزدىگىنىڭ 20 جىلدىعىنداعى سال­تاناتتى جينالىستا سويلەگەن سوزىندە ەل­با­سى نۇرسۇلتان نازارباەۆ قازاقستاننىڭ ءبۇ­گىنى مەن بولاشاعىن ايقىندايتىن باعىت-باع­دارىمىزدى كورسەتىپ بەر­دى. پرەزي­دەنتى­مىز­دىڭ وسىن­شا­لىق­تى كەزەڭدە دا­مى­عان ەل­دەر­دىڭ قاتارىنا قو­سىلۋعا دەگەن ۇلكەن تال­پى­نىسى مەن ۇلكەن تالابى جاقسى ىستەردىڭ, جاقسى يگىلىك­تەر­دىڭ ءيىرىمى بولدى. تۋىسقان ەلدىڭ تۇعىرلى بىرلىگىن بىرىكتىرگەن ەلىمىزدىڭ ىنتىماعىنا ءۇل­كەن باعا بەردى. ەلباسى وسى از­عانتاي ۋاقىتتىڭ وزىندە ءبىر­لىكتىڭ, ىنتىماق­تاس­تىق­تىڭ جانە تاتۋلىق­تىڭ قان­شا­لىقتى قايتارىمدى بولا­تىن­دىعىن ىسىمەن دە, ونەگەسىمەن دە كورسەتتى. تاۋەلسىزدىكتىڭ 20 جىلدىعى تاماشا تا­بىس­تارعا تولى. وسى كەزەڭدە ەلباسىمىز نۇر­سۇلتان نازارباەۆ ەگەمەن ەلىمىزدى نەبىر كۇر­دەلى كەزەڭدەردەن تۋرا باعىتتان اداستىرماي العا باستاپ, تاۋەلسىزدىكتىڭ تۇعىرىن بەكىتەتىندەي بەرەكەلى ىستەر بەكەمدەگەنىن بارشا قازاقستاندىق انىق سەزىنىپ وتىر. قازاقستاندى الەم­­گە تانىتتى, مەملەكەتتىلىگىن قالىپتاستىردى, الىس-جا­قىن شەتەلدەرگە ابىرويىن اسقاقتاتتى. استانانى ارقاعا كوشىرىپ, عاسىرلىق جوبانى جۇزەگە اسىردى. ەلباسىنىڭ ءار قادامى ءوز ەلىنىڭ ەكونو­مي­كا­لىق دامۋى مەن حالقىنىڭ تىنىشتىعىن, الەمدە بەيبىتشىلىكتى نىعايتۋعا باعىتتالىپ كەلە جاتقانى ءسوزسىز. ورتاق وتانىمىز – قازاق ەلىن الەمدىك قارجى داعدارىسىنان قيىندىقسىز شىعارىپ, دامۋدىڭ داڭعىل جولىنا باستاپ كەلە جات­قا­نىن الەم مويىنداپ وتىر. سوندىقتان دا ول حالقىنا قالاۋلى, ەلىنە ەلەۋلى تاريحي تۇلعا. ايتا بەرسە, تاۋەلسىزدىك جىلدارى اتقارىل­عان شارۋالار قيساپسىز كوپ. ونى كۇندەلىكتى ومىرىمىزدە سەزىنىپ تە كەلەمىز. ەلباسىنىڭ ەلىمىزدە ۇلتارالىق كەلىسىمدى نىعايتۋداعى باستامالارى قاشاندا حا­لىق­تان قولداۋ تاۋىپ جاتادى. قازاقستان حالقى اسسامبلەياسى پرەزيدەنت باستاماسىمەن دۇنيەگە كەلگەن, تاۋەلسىزدىكتىڭ ءتول پەرزەنتى. نۇرسۇلتان ءابىش ۇلى, ءبىزدىڭ باستى جەتىستىگىمىز – جۇزدەن استام ۇلتتار مەن ۇلىستاردىڭ ءبىر ەلدە تاتۋلىقتا, بىرلىك پەن بەيبىتشىلىكتە ءومىر ءسۇرىپ جاتقانىمىز, مۇنى ايرىقشا باعالاۋ, قاستەرلەۋ كەرەك دەپ ۇنەمى اتاپ وتەدى. ءبىز تاۋەلسىزدىكتىڭ ناتيجەسىندە سالت-ءداستۇرىمىزدى, ءتىلىمىزدى ساقتاۋعا قول جەتكىزدىك. تاۋەلسىز مەملەكەتتىڭ ءبىر بەلگىسى مەملەكەتتىك ءتىل ەكەنىن ۇمىتپايىق, اعايىن. سوندىقتان دا تاۋەلسىزدىكپەن كەلگەن تابىستارىمىز بەن جەتىستىكتەرىمىز دە ورتاق. ءبىز ەگەمەندى ەلىمىزدىڭ ەرتەڭى ءۇشىن ەسەلى ەڭبەك ەتىپ, ۇلاعاتتى ۇرپاق تاربيەلەۋىمىز كەرەك. ەل ەرتەڭىنىڭ تەمىرقازىعى بولاتىنداي ۇرپاقتارىمىز دا دوستىقتىڭ, تاتۋلىقتىڭ ۇلگىسىن كورسەتۋى قاجەت. سوندا عانا تاۋەلسىزدىك تۇعىرى بۇرىنعىدان دا بەكي تۇسەدى, ومىرشەڭدىگى ۇزارادى. پاۆۆەل ماگلەلي, قازاقستان حالقى اسسامبلەياسىنىڭ مۇشەسى. اقتوبە وبلىسى.