گرانتقا ىلىكپەگەن جاستاردىڭ كوبى رەسپۋبليكالىق سپورت مەكتەپتەرىنىڭ تۇلەكتەرى. شەتەلدەردە توپ جارىپ, حالىقارالىق سپورت بايگەلەرىندە قازاقستاننىڭ قورجىنىنا ولجا سالىپ جۇرگەن وقۋشىلار ءوز ەڭبەكتەرىنىڭ اقتالماعاندىعىن ايتادى. ولاردىڭ ىشىندە بەسسايىستان جاستار اراسىندا قازاقستان چەمپيونى, ازيا ويىندارىنىڭ جەڭىمپازى, ءادىل يبراگيموۆ ەسىمدى سپورتشى دا بار. ءادىل 114 بالل جيناي تۇرا گرانتقا ىلىكپەگەن. جينالعان قاۋىم وقۋ اقىسىنىڭ 500 مىڭ تەڭگەنى قۇرايتىندىعىن العا تارتىپ وتىر.
گرانت ماسەلەسىنە قاتىستى داۋعا ءبىلىم جانە عىلىم مينيسترلىگى مەملەكەتتىك ءبىلىم گرانتتارى ۇبت مەن كت نəتيجەلەرى بويىنشا كونكۋرستىق نەگىزدە تاعايىندالاتىندىعىن ايتادى. مينيسترلىك وكىلدەرى مالىمدەگەندەي, بالدارى بىردەي بولعان جاعدايدا باسىم قۇقىق الدىمەن «التىن بەلگى» يەگەرلەرىنە بەرىلەدى. ودان كەيىن كəسىپتىك جəنە تەحنيكالىق ءبىلىمى بار, 1 جىلدىق ەڭبەك ءوتىلى بار تالاپكەرلەرگە, ۇشىنشىدەن, حالىقارالىق بايقاۋلاردا, عىلىمي جوبالاردا, سپورتتىق جارىستاردا جۇلدەلى ورىنداردى يەلەنگەن تۇلەكتەرگە مۇمكىندىك بەرىلگەن.
ء«تورتىنشى ساناتتا مۇمكىندىگى شەكتەۋلى بالالاردىڭ, اتا-اناسىنىڭ قامقورلىعىنان ايىرىلعان, سوعىس ارداگەرلەرىنە تەڭەستىرىلگەن, جاستايىنان مۇگەدەك بالالارعا باسىم قۇقىق بەرىلگەن. بۇل تەك بالدارى تەڭ كەلگەن جاعدايدا. بيىلعى وتىنىشتەر بويىنشا سپورتتىق جارىستاردىڭ جۇلدەگەرلەرىنەن 210 تۇلەك گرانت يەلەندى», دەيدى جوعارى جانە جوعارى وقۋ ورنىنان كەيىنگى ءبىلىم بەرۋ باسقارماسىنىڭ باسشىسى قارلىعاش شاياحمەتقىزى.
اكادەميا تابالدىرىعىنان تاۋى شاعىلىپ قايتقانداردىڭ تاعى ءبىرى – ليۋدميلا يانوۆيەۆا. ول دا بەسسايىستان ازيا چەمپيونى بولا تۇرا وقۋعا قۇجات وتكىزە الماعان. «سپورتتا توككەن اششى تەرىمىز بەن ادال ەڭبەگىمىز ءۇشىن وسى وقۋ ورنىندا وقيتىن شىعارمىز دەپ ويلادىق. مەملەكەتتىك گرانت سانى قىسقارعاندىقتان, ەشقايسىمىز وقۋعا قابىلدانا المادىق. سپورت ءوز الدىنا, بىلىمدە دە بايگە بولاتىنىن بىلەمىز. بىراق وسى وقۋ ورنىندا وقيمىز دەگەن ارمانىمىزعا قول جەتكىزە الماۋدامىز», دەيدى ل.يانوۆيەۆا.
سپورت جانە تۋريزم اكادەمياسىنىڭ پرورەكتورى مۇحتار ەسقاليەۆتىڭ جۋرناليستەرگە بەرگەن مالىمدەمەسىنە سۇيەنسەك, اتالعان وقۋ ورنىنا 1122 تالاپكەر-سپورتشى تىركەلگەن. الايدا جوعارعى جەتىستىككە جەتكەن سپورتشىلاردىڭ 107-ءسى عانا گرانتقا يە بولعان. پرورەكتوردىڭ سوزىنشە, 343 تالاپكەردىڭ دايىندىق دەڭگەيى تومەن نەمەسە كەيبىرەۋىنىڭ سپورتقا قاتىسى جوق دەپ ايتۋعا بولادى. «ارينە, بۇل جاعداي سپورتشىلارعا كەرى اسەرىن تيگىزەتىنى انىق. گرانتقا تۇسپەي قالعانداردىڭ كوبى ەسىمدەرى ەلگە بەلگىلى سپورتشىلار», دەيدى اكادەميا باسشىلىعى.
بۇعان دەيىن حالىقارالىق جانە رەسپۋبليكالىق جارىستاردىڭ جەڭىمپازدارى اتانعان جوعارعى دارەجەدەگى سپورتشىلاردىڭ جەتىستىكتەرى وقۋعا ءتۇسۋ بارىسىندا ەسەپكە الىنىپ كەلگەن بولاتىن.
«بيىل əر ءوڭىردىڭ جەرگىلىكتى ءبىلىم باسقارماسى بىرنەشە ماماندىققا قوسىمشا گرانتتار بولگەن. ياعني مەملەكەتتىك گرانتقا ىلىكپەي قالعان, بىراق قوسىمشا گرانتقا ءوتىنىش بەرگەن تالاپكەرلەردىڭ گرانت ۇتىپ الۋى əبدەن مۇمكىن. وبلىستاردىڭ جەرگىلىكتى ءبىلىم باسقارمالارى əر ءوڭىردىڭ قاجەتتىلىكتەرى بويىنشا ءبىرشاما ماماندىقتارعا گرانت ءبولدى. قۇجاتتاردى قابىلداۋ 5-10 تامىز ارالىعىندا ءوتتى. ال 11-15 تامىز ارالىعىندا ارنايى كوميسسيا جۇمىسى جۇرگىزىلەدى», دەيدى مينيسترلىك وكىلى.
ميراس اسان,
«ەگەمەن قازاقستان»
