بيىل ونىڭ تىكەلەي باستاماسىمەن ىشكى ىستەر ورگاندارىنىڭ قىزمەتكەرلەرىنە ارنالعان 100 پاتەرلى تۇرعىن ءۇيدىڭ قۇرىلىسى باستالىپ كەتتى. ول ءۇشىن جەرگىلىكتى اتقارۋشى ورگانداردىڭ كومەگىمەن «جاس وركەن» ىقشام اۋدانىنان جەر تەلىمدەرى ءبولىندى.
«جايلى باسپانامەن قامتاماسىز ەتۋ ءوڭىر ءتارتىپ ساقشىلارىنا الەۋمەتتىك قولداۋ كورسەتۋدىڭ ماڭىزدى باعىتتارىنىڭ ءبىرى بولىپ تابىلادى. بۇگىنگى تاڭدا 300-دەن استام پوليتسيا قىزمەتكەرى پاتەر كەزەگىندە تۇر. تۇرعىن ءۇي قۇرىلىس جيناق بانكى, «قازاقستان يپوتەكالىق كومپانياسى» يۇ ارقىلى جەڭىلدىكپەن نەسيە الۋ مۇمكىندىكتەرىن دە قاراستىرىپ وتىرمىز», دەگەن بەرىك سۇلتانعازى ۇلى وسى ماسەلەگە جاۋاپتى ماماندارعا مەملەكەتتىك باعدارلامالاردىڭ بارلىق تارماقتارىن مۇقيات زەردەلەۋ قاجەتتىگىن تاپسىردى.
پوليتسيا باسشىلىعىنىڭ جوسپارىندا جاڭا جاتاقحانا سالۋ دا ويلاستىرىلعان. قازىرگى ۋاقىتتا قاجەتتى قۇجاتتار رەسىمدەلىپ, ءتيىستى ورىندارعا جىبەرىلدى. بىلتىر پايدالانۋعا بەرىلگەن ءبىرىنشى ۆەدومستۆولىق جاتاقحانادا 43 پوليتسەي جانە 60 وتباسى مۇشەسى تۇرادى. ولار بۇعان دەيىن قىمبات باسپانا جالداپ كەلسە ەندى كوممۋنالدىق قىزمەتتەرگە عانا تولەم جاسايدى.
جۋىردا جەدەل ۋاكىل عاليا يبراەۆا «قازاقستان يپوتەكالىق كومپانياسى» يپوتەكالىفق ۇيىمى ارقىلى ەكى بولمەلى پاتەرگە قول جەتكىزدى. پوليتسيا پودپولكوۆنيگى رۋسلان توعاەۆ, كادر جۇمىسى ءبولىمىنىڭ ينسپەكتورى سايان مولجىگىتىۆ تە وسىنداي قۋانىشقا يە بولدى.
جىل باسىنان بەرى ءتارتىپ ساقشىلارى «نۇرلى جەر» مەملەكەتتىك باعدارلاماسى شەڭبەرىندە 48 پاتەرگە قونىستاندى.
ءومىر ەسقالي,
«ەگەمەن قازاقستان»,
سولتۇستىك قازاقستان وبلىسى
