ستانساعا سۋ ەسىل وزەنىنەن الىنىپ, 12 مەتر تەرەڭدىكتە ورنالاسقان ارنايى سىيىمدىلىقتا ساقتالادى. ەسكى قۇرال-جابدىقتار جاڭالانىپ, عيماراتتىڭ جۇمىسى تولىعىمەن اۆتوماتتى جۇيەگە كوشىرىلگەن. «قازسۋشار» رەسپۋبليكالىق مەملەكەتتىك كاسىپورنى «ەسىل سۋ» فيليالىنىڭ باس ينجەنەرى نيكيتا ءزاباۆيننىڭ ايتۋىنشا, سورعى ستانسا مەن 116 شاقىرىم قۇبىر قالپىنا كەلتىرىلگەن. بۇل ماقسات ءۇشىن رەسپۋبليكالىق بيۋدجەتتەن 4,6 ميلليارد تەڭگە جۇمسالعان.
2018-2020 جىلدارعا ارنالعان جوبا قۇنىنىڭ 6,9 ميلليارد تەڭگەنى قۇرايتىنىن ايتا كەتكەنىمىز ءجون. باس ينجەنەر اتاپ وتكەندەي, ونىڭ شەڭبەرىندە 19 اۋىلعا سۋ قۇبىرلارى تارتىلماق.
زاماناۋي تەحنيكالىق قوندىرعىلاردىڭ ارقاسىندا بارلىق جۇمىس بارىسى كومپيۋتەر ارقىلى باقىلانادى. سۋ شىعىنىنىڭ ءبىرشاما ازايعانى بايقالادى. بۇعان دەيىن 1 ليتر تىرشىلىك كوزىندەگى لايلانۋ مولشەرى 1,1-1,2 ميلليگراممدى قۇراسا, ەندى 0,7-گە دەيىن تومەندەگەن.
بۇگىندە پرەسنوۆكا توپتىق سۋ قۇبىرى جوندەلۋدە. ونىڭ العاشقى كەزەڭىنە 7,8 ميلليارد تەڭگە قاراستىرىلىپ, ونداعان ەلدى مەكەندەرگە تىرشىلىك ءنارى جەتەدى. ونىڭ قاتارىندا ميحايلوۆكا, نوۆودۋبروۆنوە, سەنجاركا, كلادبينكا, سەماكي, پچەلينو سياقتى تازا سۋعا شولىركەپ وتىرعان ەلدى مەكەندەر بار. تۇتاستاي العاندا 280 شاقىرىم ماگيسترالدى جەلى قوسىلىپ, وتىزعا جۋىق اۋىلدىڭ تۇرعىندارى سۋ ازابىنان قۇتىلاتىن بولادى.
سونداي-اق بيىل شال اقىن, تيميريازەۆ جانە عابيت مۇسىرەپوۆ اتىنداعى اۋدانداردا سورعى ستانسا ىسكە قوسىلدى.
ايتا كەتۋىمىز كەرەك, «ەسىل سۋ» مەكەمەسى وڭىرىمىزدەگى 11 جانە قوستاناي وبلىسىنداعى 2 اۋدانعا تىرشىلىك كوزىن جەتكىزۋمەن اينالىسادى.
ءومىر ەسقالي,
«ەگەمەن قازاقستان»
