ەڭبەك جولىن 1991 جىلى باستاعان. ءار جىلدارى مەملەكەتتىك ورگانداردىڭ قۇرىلىمىندا, ونىڭ ىشىندە قر سىرتقى ەكونوميكالىق بايلانىستار مينيسترلىگىندە, قر ونەركاسىپ جانە ساۋدا مينيسترلىگىندە, قر پارلامەنتىنىڭ ىستەرى باسقارماسىندا جانە كوممەرتسيالىق كاسىپورىنداردا جۇمىس ىستەگەن.
1998–2004 جىلدارى قر ەنەرگەتيكا, يندۋستريا جانە ساۋدا مينيسترلىگىندە, ەنەرگەتيكا جانە مينەرالدى رەسۋرستار مينيسترلىگىندە, قر جوعارعى سوتى جانىنداعى سوت اكىمشىلىگى جونىندەگى كوميتەتتە قىزمەت ەتكەن.
2004–2009 جىلدارى استانا قالاسىنىڭ تۇرعىن ءۇي دەپارتامەنتىنىڭ ديرەكتورى لاۋازىمىن اتقاردى; ءبىلىم جانە عىلىم ءمينيسترىنىڭ كەڭەسشىسى, اكىمشىلىك قامتاماسىز ەتۋ دەپارتامەنتىنىڭ ديرەكتورى, قر ءبىلىم جانە عىلىم مينيسترلىگىنىڭ اپپارات باسشىسى; «قازترانسگاز» اق اپپارات باسشىسى, باس ديرەكتوردىڭ كەڭەسشىسى رەتىندە قىزمەت اتقاردى.
2009–2017 جىلدارى قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپ كوميتەتى توراعاسىنىڭ ورىنباسارى, ءبىرىنشى ورىنباسارى بولىپ ەڭبەك ەتتى.
2017–2018 جىلدارى — قر ەنەرگەتيكا مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنىڭ توراعاسى ورىنباسارىنىڭ م.ا., ورىنباسارى.
2018 جىلدىڭ ناۋرىز ايىنان باستاپ قازىرگى ۋاقىتقا دەيىن قر ەنەرگەتيكا ءمينيسترىنىڭ كەڭەسشىسى قىزمەتىن اتقاردى.
بۇعان دەيىن ەنەرگەتيكا ۆيتسە-ءمينيسترى لاۋازىمىن عاني سادىبەكوۆ اتقاردى, ول قر ۇكىمەتىنىڭ 10.08.2018 ج. قاۋلىسىمەن قىزمەتىنەن بوساتىلدى.
